“அவன் தொல்லை தாங்க முடியல..” தூங்கிக் கொண்டிருந்த கணவனுக்கு கரண்ட் பாய்ச்சிக் கொன்ற மனைவி.. விசாரணையில் அம்பலமான திடுக்கிடும் உண்மை..!!

பீகார் மாநிலம் மாதேபுரா மாவட்டத்தில் உறவுகளை உலுக்கும் ஒரு அதிர்ச்சி சம்பவம் நடந்துள்ளது. பிஹாரிகஞ்ச் காவல் நிலைய எல்லைக்குட்பட்ட சரோனி கலா பஞ்சாயத்து வார்டு எண் 9-ல், ஒரு மனைவி தனது குடிகார கணவனை மின்சாரம் பாய்ச்சிக் கொலை செய்துள்ளதாகக் குற்றம் சாட்டப்பட்டுள்ளது. உயிரிழந்தவர் 26 வயதுடைய நந்தகிசோர் முகியா என அடையாளம் காணப்பட்டுள்ளார். இவருக்கு கும்ஜன் குமாரி என்பவருடன் 2020 ஆம் ஆண்டு திருமணம் நடைபெற்றது. இவர்களுக்கு 5 வயதில் ஒரு மகளும், 3 வயதில் ஒரு மகனும் உள்ளனர். காவல்துறையின் கூற்றுப்படி, கணவனின் மதுப்பழக்கம் மற்றும் தினசரி அடிதந்தியால் கடுமையாகப் பாதிக்கப்பட்டு வந்த பெண், இந்த கொடூரச் செயலில் ஈடுபட்டுள்ளார். கொலையின் பின்னர், சடலத்தை வீட்டின் வாசலில் கிடத்திவிட்டு இது இயல்பான மரணம் போல் காட்ட முயன்றுள்ளார்.

காவல்துறையின் விசாரணையில், செவ்வாய்க்கிழமை இரவில் நந்தகிசோர் மது அருந்திவிட்டுத் திருவிழாவிற்குச் சென்றது தெரியவந்துள்ளது. நள்ளிரவு 1 மணியளவில் வீடு திரும்பிய அவர், வாசலிலேயே தனது தந்தையின் அருகில் தூங்கினார். அதன்பின் நள்ளிரவு 3 மணியளவில் அவரது மனைவி அவரை எழுப்பி வீட்டிற்கு உள்ளே அழைத்துச் சென்றுள்ளார். அங்கு இருவருக்கும் இடையே மீண்டும் தகராறு ஏற்பட்டுள்ளது. சண்டையின் போது நந்தகிசோர் மயக்கமடைந்ததும், கும்ஜன் மின்சாரக் கம்பியைப் பயன்படுத்தி அவருக்கு மின்சாரம் பாய்ச்சியுள்ளார்; இதனால் அவர் உயிரிழந்தார். கொலைக்குப் பிறகு, இச்சம்பவம் ஒரு சாதாரண மரணம் போல் தோற்றமளிப்பதற்காக, சடலத்தை வீட்டிற்குள்ளிருந்து எடுத்து வந்து மீண்டும் வாசலில் வைத்துள்ளார்.

காலை வேளையில் கிராம மக்கள் நந்தகிசாரின் சடலத்தைக் கண்டதும், மது போதையில் அல்லது வேறு ஏதேனும் காரணத்தால் அவர் இறந்திருக்கலாம் என்று முதலில் கருதினர். இருப்பினும், காவல்துறையினர் நடத்திய சோதனையில் எரிந்த செப்புக் கம்பி மற்றும் உடலில் சந்தேகத்திற்கிடமான காயங்கள் கண்டறியப்பட்டன. தடயவியல் குழுவினரின் உதவியுடன் தீவிர விசாரணை நடத்தப்பட்டதில் கொலையின் உண்மை வெளிச்சத்திற்கு வந்தது. இதனையடுத்து, வெறும் 24 மணி நேரத்திற்குள் காவல்துறையினர் நடவடிக்கை எடுத்து, குற்றம் சாட்டப்பட்ட மனைவி கும்ஜன் குமாரியைக் கைது செய்து நீதித்துறை காவலில் அனுப்பினர். இந்தத் துயரச் சம்பவத்தால் இரண்டு பிஞ்சு குழந்தைகளின் வாழ்க்கையும் கேள்விக்குறியாகி, அவர்கள் மிகவும் கடினமான சூழ்நிலைக்குத் தள்ளப்பட்டுள்ளனர்.