“ஓட்டப்பந்தயத்தில் திடீரென புகுந்த 6 வயது சிறுவன்” வேகமாக மோதிய தடகள வீரர்.. அடுத்து நடந்த பயங்கரம்… $500,000 அபராதம் விதித்த நீதிமன்றம்…!!

ஓட்டப்பந்தயப் போட்டியின் போது எதிர்பாராதவிதமாக நடந்த ஒரு விபத்து, தற்பொழுது பெரும் சட்ட விவாதத்தை ஏற்படுத்தியுள்ளது. பந்தயத்தின் இறுதி இலக்கை நோக்கி 27 வயதான மார்கஸ் ரீட் என்ற தடகள வீரர் அதிவேகமாக ஓடிக் கொண்டிருந்தபோது, ஆறு வயது சிறுவனான லூகாஸ் கார்ட்டர் திடீரென ஓட்டப்பந்தயப் பாதைக்குள் ஓடிவந்துள்ளார். மிக வேகமாக ஓடிவந்ததால் மார்கஸால் உடனடியாகத் தன்னைத் கட்டுப்படுத்த முடியாமல், சிறுவன் மீது பலமாக மோதினார்.

இந்தக் கடுமையான மோதலில் சிறுவன் லூகாஸின் நெஞ்சுப் பகுதியில் பலத்த காயம் ஏற்பட்டு, அதற்கு அவசர அறுவை சிகிச்சையும் செய்யப்பட்டது. இதனைத் தொடர்ந்து, சிறுவனின் தாயார் மார்கஸ் மீது $500,000 (சுமார் ₹4.2 கோடி) இழப்பீடு கோரி நீதிமன்றத்தில் வழக்குத் தொடர்ந்தார். இப்போட்டியின் போது ஓட்டப்பந்தயப் பாதைக்குள் பார்வையாளர்கள் வர அனுமதி இல்லை என்றும், சிறுவன் மிகத் திடீரென குறுக்கே வந்ததால் தனக்கு எதிர்வினை ஆற்ற (React) நேரமே இல்லை என்றும் மார்கஸ் தரப்பில் வாதிடப்பட்டது.

எனினும், இந்த வழக்கை விசாரித்த நீதிமன்றம் மார்கஸின் வாதத்தை நிராகரித்தது. ஆறு வயது சிறுவனால் பந்தயத்தின் பாதுகாப்பு விதிகளை முழுமையாகப் புரிந்துகொள்ள முடியாது என்றும், ஒரு முதிர்ந்த தடகள வீரராக மார்கஸ் மற்றவர்களுக்குப் பாதிப்பு ஏற்படாத வண்ணம் தகுந்த முன்னெச்சரிக்கை நடவடிக்கைகளை எடுத்திருக்க வேண்டும் என்றும் நீதிபதி குறிப்பிட்டார். இறுதியில், இந்த விபத்திற்கு மார்கஸே பொறுப்பு என்று தீர்ப்பளித்த நீதிமன்றம், சிறுவனுக்கு $500,000 இழப்பீடு வழங்குமாறு அவருக்கு உத்தரவிட்டது.