“கைகளைக் கூப்பி அழுது கெஞ்சிய பெண்.. காரை வழிமறித்து ஒரு குடும்பத்தையே தாக்கிய வெறிக்கும்பல்.. நெஞ்சை பதறவைக்கும் வீடியோ”..!!

பெங்களூரு – மைசூரு விரைவுச்சாலையில், மக்கள் நடமாட்டம் மிகுந்த பகல் நேரத்தில் காரில் சென்ற ஒரு குடும்பத்தினர் மீது கும்பல் ஒன்று கொடூரத் தாக்குதல் நடத்திய வீடியோ சமூக வலைத்தளங்களில் வைரலாகி அதிர்ச்சியை ஏற்படுத்தியுள்ளது. அந்த நெடுஞ்சாலையில் பின்னால் வந்த மற்றொரு காரின் டேஷ்கேமிராவில் இந்த ஒட்டுமொத்த நடுக்கமூட்டும் சம்பவமும் பதிவாகியுள்ளது. நடுரோட்டில் ஒரு நீல நிற காரை வழிமறிக்கும் அந்த வன்முறைக் கும்பல், காரின் கதவை வலுக்கட்டாயமாகத் திறந்து ஓட்டுநர் இருக்கையில் இருந்த நபரை சரமாரியாகத் தாக்கத் தொடங்குகிறது.

https://twitter.com/HateDetectors/status/2074358452239905194/video/1

தாக்குதலுக்குள்ளான அந்த காரில் ஒரு பெண் மற்றும் குழந்தை உட்பட சுமார் 4 முதல் 5 பேர் இருந்துள்ளனர். காரில் இருந்தவர்கள் அலறியும் அதைப் பொருட்படுத்தாமல் அந்த கும்பல் ஓட்டுநரைத் தொடர்ந்து தாக்கியதுடன், அவர்களில் ஒருவன் இரும்புப் பொருள் போன்ற ஒன்றால் அந்த நபரை கொடூரமாகத் தாக்குவதும் வீடியோவில் பதிவாகியுள்ளது. ஒரு கட்டத்தில் காரில் இருந்த பெண் நிலைமை மோசமாவதைக் கண்டு, காரில் இருந்து வெளியே ஓடிவந்து வன்முறைக் கும்பலிடம் தாக்குதலை நிறுத்துமாறு கைகளைக் கூப்பிப் கெஞ்சுகிறார். எனினும், அந்த நபரை காரில் இருந்து வெளியே இழுத்துப்போட்டு அந்த கும்பல் இரக்கமின்றி அடித்துத் துவைக்கிறது.

மத்தூர் அருகே உள்ள விரைவுச்சாலை பகுதியில் இந்தச் சம்பவம் நடந்துள்ளதாகக் கூறப்படும் நிலையில், இந்தத் தாக்குதலுக்கான துல்லியமான காரணம் இன்னும் தெரியவில்லை. சம்பவ இடத்தைக் கடந்து சென்ற சிலர் பின்னர் தலையிட்டு அந்த கும்பலைத் தடுக்க முயன்றனர். நடுநெடுஞ்சாலையில் ஒரு குடும்பத்தின் மீது இத்தகைய துணிச்சலான தாக்குதல் நடத்தப்பட்டிருப்பது, வன்முறையாளர்களுக்கோ அல்லது ரவுடிகளுக்கோ சட்டத்தின் மீது எவ்வித பயமும் இல்லை என்பதைக் காட்டுவதாகப் பொதுமக்கள் குற்றம் சாட்டுகின்றனர். இச்சம்பவம் குறித்து காவல்துறை தரப்பில் இதுவரை அதிகாரப்பூர்வமான விளக்கமோ அல்லது தகவலோ வெளியிடப்படவில்லை.