“என் மகளோட மெடிக்கல் ரிப்போர்ட்டை ஏன் தராம மறைக்கிறாங்க..?” மருத்துவமனைக்குள் ஆரோக்கியமாக நுழைந்த சிறுமிக்கு நேர்ந்த விபரீதம்… பெற்றோர் கதறல் வீடியோ..!!

தெலுங்கானாவில் உள்ள மெட்கவர் தனியார் மருத்துவமனையில், காலையில் நலமுடன் நடந்து வந்த குணஸ்ரீ என்ற சிறுமி, மருத்துவர்களின் கூற்றுப்படி மாலை 3 மணிக்கு திடீரென உயிரிழந்த சம்பவம் பெற்றோரிடையே மாபெரும் அதிர்ச்சியையும் சோகத்தையும் ஏற்படுத்தியுள்ளது. தங்களது செல்லக்குட்டி குணஸ்ரீயின் இந்த திடீர் மரணத்தில் மர்மம் இருப்பதாகக் குற்றம் சாட்டும் பெற்றோர், குழந்தைக்கு அளிக்கப்பட்ட சிகிச்சைகள் மற்றும் மருத்துவப் பரிசோதனை அறிக்கைகளைத் தங்களுக்கு வழங்காமல் மருத்துவமனை நிர்வாகம் மறைப்பதாகக் கண்ணீருடன் தெரிவித்துள்ளனர். “எங்கள் குழந்தையின் அறிக்கைகளைத் தருவதில் மருத்துவமனைக்கு என்ன பிரச்சனை?” என்று அவர்கள் ஆவேசமாகக் கேள்வி எழுப்பியுள்ளனர்.

சிகிச்சைக்கான மருத்துவ ஆவணங்களை வழங்காமல் இழுத்தடிக்கும் மெட்கவர் மருத்துவமனை நிர்வாகத்தின் இந்த அலட்சியப் போக்கு, குழந்தையின் மரணத்தின் மீதான சந்தேகத்தை மேலும் வலுவடையச் செய்துள்ளதாக உறவினர்கள் குற்றம் சாட்டுகின்றனர். தவறு செய்த மருத்துவர்கள் மற்றும் நிர்வாகத்தின் மீது கடுமையான நடவடிக்கை எடுக்கக் கோரிப் பெற்றோர்கள் போராட்டத்தில் ஈடுபட்டு வரும் நிலையில், இந்த மருத்துவ அலட்சிய விபரீதம் அப்பகுதியில் பெரும் பரபரப்பை ஏற்படுத்தியுள்ளது. இச்சம்பவம் குறித்து உள்ளூர் காவல்துறையினர் வழக்குப் பதிவு செய்து, மருத்துவமனை ஆவணங்களைக் கைப்பற்றி தீவிர விசாரணை நடத்த வேண்டும் எனச் சமூக ஆர்வலர்கள் வலியுறுத்தி வருகின்றனர்.