“கதறி அழுத கண்கள்… கடைசியில் செய்த காரியம்..!” நெட்டிசன்களை கொதித்தெழ வைத்த அந்த ஒரு வீடியோ..!!

சமூக வலைதளங்களில் வைரலாகி வரும் ஒரு வீடியோவில், இளைஞர் ஒருவர் தான் வளர்த்த நாய் இறந்த துக்கத்தில் பாலத்தின் மீது நின்று கதறி அழுவது தெரிகிறது. நாயின் மீதான அவரது அன்பையும் வேதனையையும் அந்த வீடியோ வெளிப்படுத்தினாலும், அவர் அழுகைக்குப் பிறகு அந்த நாயின் உடலை பாலத்திலிருந்து ஆற்றில் தூக்கி வீசுகிறார். நொய்டாவில் தெருநாய்களுக்கான காப்பகம் நடத்தி வரும் விடித் சர்மா என்பவர் இந்த வீடியோவை ‘X’ தளத்தில் பகிர்ந்துள்ளார்.

இந்த வீடியோ இணையத்தில் பெரும் விவாதத்தைக் கிளப்பியுள்ளது. வளர்ப்புப் பிராணியின் மீதான அந்த இளைஞரின் அன்பு உண்மையானதாக இருந்தாலும், உடலை ஆற்றில் வீசிய விதம் தவறானது என்று விடித் சர்மா சுட்டிக்காட்டியுள்ளார். வளர்ப்புப் பிராணிகள் குடும்பத்தில் ஒருவராகக் கருதப்படுவதால், அவற்றிற்கு இறுதி மரியாதை அளிக்கும் வகையில் நிலத்தில் சரியாக அடக்கம் செய்ய வேண்டும் அல்லது செல்லப்பிராணிகளுக்கான மயானத்தில் தகனம் செய்ய வேண்டும் என்று அவர் வலியுறுத்தியுள்ளார்.

விலங்குகளின் சடலங்களை ஆற்றில் வீசுவது நீர்நிலைகளை மாசுபடுத்தி, மனிதர்களுக்கும் நீர்வாழ் உயிரினங்களுக்கும் ஆபத்தை ஏற்படுத்தும் என்று வல்லுநர்கள் எச்சரிக்கின்றனர். இந்த வீடியோவைப் பார்த்த இணையவாசிகள் இரு வேறான கருத்துக்களைத் தெரிவித்து வருகின்றனர்; சில பயனர்கள் இளைஞரின் வேதனையைப் புரிந்து கொண்டாலும், பெரும்பாலானோர் செல்லப்பிராணிகளை வளர்ப்பதில் அன்பு மட்டும் போதாது, இறுதிச் சடங்குகளைச் சரியாகச் செய்யும் பொறுப்பும் அவசியம் என்று விமர்சித்துள்ளனர்.