“காதிர், என் மகனே… அங்கிருந்து வெளியே வாடா” அம்மாவை விட்டுட்டு போயிட்டியா..? நீச்சல் குளத்தில் மூழ்கிப் பலியான 2 வயதுப் பிஞ்சு… மருத்துவமனையில் தாயின் மரண ஓலம்..!!

துருக்கியின் பர்சா இனெகோல் பகுதியில், காணாமல் போன இரண்டு வயது சிறுவன் கதிர் அவன் வசித்து வந்த குடியிருப்பு வளாகத்தின் நீச்சல் குளத்தில் துரதிர்ஷ்டவசமாக பிணமாகக் கண்டெடுக்கப்பட்டுள்ளான். விளையாடச் சென்ற சிறுவன் நீண்ட நேரமாகியும் வீடு திரும்பாததால், அவனது குடும்பத்தினரும் அப்பகுதி மக்களும் தீவிரமாகத் தேடி வந்த நிலையில் இந்த சோகமான விபரீதம் வெளிச்சத்திற்கு வந்துள்ளது. உடனடியாக மீட்கப்பட்ட சிறுவன் மருத்துவமனைக்குக் கொண்டு செல்லப்பட்ட போதிலும், அவன் ஏற்கனவே இறந்துவிட்டதாக மருத்துவர்கள் உறுதிப்படுத்தினர்.

https://twitter.com/yirmiucderece/status/2082324595940450752/video/1

“கதிர், என் மகனே, அங்கிருந்து வெளியே வா…” என்று மருத்துவமனையில் அந்தத் தாய் கதறி அழுத அழுகுரல் அங்கிருந்த அனைவரின் நெஞ்சங்களையும் உலுக்கியது. ஆசையாய் வளர்த்த தங்களது பிஞ்சு நிலா தண்ணீரில் மூழ்கிப் பலியானதை ஏற்க முடியாமல், அந்தப் பெற்றோர் மற்றும் உறவினர்கள் எழுப்பிய அவலக்குரல் ஒட்டுமொத்தப் பகுதியையும் சோகத்தில் ஆழ்த்தியுள்ளது. இச்சம்பவம் தொடர்பாக உள்ளூர் காவல்துறையினர் வழக்குப்பதிவு செய்து, நீச்சல் குளத்தைச் சுற்றிப் போதிய பாதுகாப்பு ஏற்பாடுகள் இருந்தனவா என்பது குறித்து விசாரணையைத் தொடங்கியுள்ளனர்.