“ரொம்ப கஷ்டமா இருக்கு…” நடிகர் மாதவன் வெளியிட்ட உருக்கமான பதிவு… இதுதான் காரணமா…??

தவெக தலைவர் விஜய் நடிப்பில் உருவான ‘ஜனநாயகன்’ திரைப்படம் திரையரங்குகளில் வெளியாகும் முன்பே இணையத்தில் சட்டவிரோதமாகக் கசிந்தது படக்குழுவினரிடையே பேரதிர்ச்சியை ஏற்படுத்தியுள்ளது. இப்படத்தின் முழு நீள காட்சிகளும் திருட்டுத்தனமாக வெளியானது குறித்துத் தயாரிப்பு நிறுவனம் அளித்த புகாரைத் தொடர்ந்து, தமிழக சைபர் கிரைம் போலீசார் குற்றவாளிகளைத் தீவிரமாகத் தேடி வருகின்றனர். ஒரு மிகப்பெரிய படைப்பு இதுபோன்று இணையத்தில் கசிந்திருப்பது ஒட்டுமொத்தத் திரையுலகையும் சோகத்தில் ஆழ்த்தியுள்ளது.

இந்தச் சட்டவிரோதச் செயலுக்குத் தனது கடும் கண்டனத்தைத் தெரிவித்துள்ள நடிகர் மாதவன், இது மிகவும் மனவேதனை அளிக்கும் விஷயம் என்று தனது எக்ஸ் தளத்தில் பதிவிட்டுள்ளார். ஒரு திரைப்படத்தின் உருவாக்கத்தில் நூற்றுக்கணக்கான கலைஞர்களின் உழைப்பு அடங்கியுள்ளதால், அந்த உழைப்பிற்கு மதிப்பளிக்கும் வகையில் யாரும் இப்படத்தைத் திருட்டுத்தனமாகப் பார்க்க வேண்டாம் என்று அவர் ரசிகர்களிடம் மனிதாபிமானத்துடன் கோரிக்கை விடுத்துள்ளார். திரையரங்குகளில் மட்டுமே படத்தைப் பார்த்துச் சினிமாத் துறையைக் காப்பாற்ற வேண்டும் என்பதே அவரது அன்பான வேண்டுகோளாக உள்ளது.