“தலைநிமிர்ந்து நடங்கள் போராளியே” வினேஷ் போகத்திற்கு நடிகை நயன்தாரா ஆறுதல் பதிவு …!!

ஒலிம்பிக் போட்டி பிரான்ஸ் தலைநகர் பாரிஸில் நடைபெற்று வருகிறது. இதில் நடைபெற்ற பெண்களுக்கான மல்யுத்த அரையிறுதி போட்டியில்  50 கிலோ எடை கொண்ட பிரிவுக்கான அரையிறுதி போட்டியில் இந்திய வீராங்கனை வினேஷ் போகத் கியூபா வீராங்கனையை  5-0 என்ற புள்ளி கணக்கில் வீழ்த்தி அபார வெற்றி பெற்றார். இதனால் இந்தியாவின் வினேஷ் போகத் இறுதி போட்டிக்கு முன்னேறினார் . இந்த நிலையில் உடல் எடை 100 கிராம் வரை கூடியிருப்பதால் அவர் தகுதி நீக்கம் செய்யப்பட்டதாக அறிவிக்கப்பட்டது. இந்த சம்பவம் இந்திய ரசிகர்களுக்கு பெரும் அதிர்ச்சி ஏற்படுத்தியது. தற்போது வினேஷ் போகத் திடீர் ஒய்வை அறிவித்து விட்டார்.

இந்த நிலையில் ஒலிம்பிக்கில் இருந்து தகுதி நீக்கம் செய்யப்பட்டு இருக்கும் மல்யுத்த வீராங்கனை தினேஷ் போகத்திற்கு நடிகை நயன்தாராவும் ஆறுதல் தெரிவித்துள்ளார். இது குறித்து அவர் தன்னுடைய இன்ஸ்டாகிராம் பதிவில், “தலைநிமிர்ந்து நடங்கள் போராளியே… நீங்கள் பலரை ஊக்குவித்திருக்கிறீர்கள். உங்கள் மதிப்பு வெற்றிகளால்  அளக்கப்படுவதில்லை. சாதனைகளை முறியடிக்கும் வகையில் அன்பை நீங்கள் சேகரித்து இருக்கிறீர்கள்” என்று குறிப்பிட்டுள்ளார்.