“ஐயோ.. பார்த்து..!” கடையின் ஷட்டருக்குள் புகுந்த ஆக்டிவா… பெண் தலைகீழாகத் தரையில் விழுந்த அந்தப் பதைபதைக்கும் நிமிடங்கள்.. வைரலாகும் பகீர் வீடியோ..!!

குஜராத் மாநிலம் ராஜ்கோட்டில் ஆக்டிவா இருசக்கர வாகனத்தை ஓட்டப் பழகிக் கொண்டிருந்த பெண் ஒருவர், கட்டுப்பாட்டை இழந்து கடையின் ஷட்டரில் பயங்கரமாக மோதிய பதைபதைக்கும் சிசிடிவி காட்சிகள் சமூக வலைத்தளங்களில் வெளியாகி வைரலாகி வருகின்றன. கோவிந்த்பாக் காய்கறிச் சந்தை அருகே அந்தப் பெண் யூ-டர்ன் எடுக்க முயன்றபோது, எதிர்பாராதவிதமாக வாகனத்தின் வேகம் அதிகரித்துக் கட்டுப்பாட்டை இழந்துள்ளார். இதனால் சாலையோரம் பூட்டியிருந்த ஒரு கடையின் ஷட்டரை நோக்கி அந்த ஸ்கூட்டர் அதிவேகமாகப் பாய்ந்து பலத்த சத்தத்துடன் மோதியுள்ளது.

https://twitter.com/jpsin1/status/2091392785232634037/video/1

இந்த மோதலின் அதிர்வில் அந்தப் பெண் வாகனத்திலிருந்து தூக்கி வீசப்பட்டு, கடையின் வாசல் அருகே தலைகீழாகத் தரையில் விழுந்த காட்சி காண்போரை அதிர்ச்சியடையச் செய்துள்ளது. அதிர்ஷ்டவசமாக இந்த விபத்தில் அந்தப் பெண்ணுக்குப் பெரிய அளவில் காயங்கள் ஏதுமின்றி அவர் பாதுகாப்பாக மீட்கப்பட்டுள்ளார். பொது மக்கள் நடமாட்டம் மிகுந்த சாலைகளில் முறையான பாதுகாப்பு உபகரணங்கள் மற்றும் கண்காணிப்பு இல்லாமல் புதியவர்கள் வாகனம் ஓட்டப் பழகுவது எவ்வளவு ஆபத்தானது என்பதை இந்த வைரல் சிசிடிவி வீடியோ நெட்டிசன்களுக்கு உணர்த்தியுள்ளது.