“இது என்னப்பா புது ட்ரெயின்..? ரயிலில் விண்டோ சீட் பிடித்த ஆடு… பிளாட்பாரத்தில் ரவுண்டு அடிக்கும் எருமை..! பீகாரில் கலக்கும் வைரல் வீடியோ..!!”

பீகாரில் உள்ள சப்ரா ரயில் நிலையத்திலிருந்து எடுக்கப்பட்டதாகக் கூறப்படும் காணொளி ஒன்று சமூக வலைதளங்களில் வேகமாகப் பரவி வருகிறது. வழக்கமாகப் பயணிகள் கூட்டமும் பரபரப்பும் நிறைந்த ரயில் நிலையத்திற்கு மாறாக, இங்கு மூன்றாம் நடைமேடையில் எருமை மந்தை ஒன்று கவலையின்றி சுதந்திரமாகச் சுற்றித் திரிகிறது. இந்தக் காட்சியை அங்கிருந்த பயணிகள் பலர் தங்கள் கைபேசிகளில் வியப்புடன் பதிவு செய்துள்ளனர்.

இந்தக் காணொளியின் மிகவும் சுவாரஸ்யமான பகுதி என்னவென்றால், கூட்டம் நிரம்பி வழியும் ரயிலின் பொதுப் பெட்டியில் இரண்டு ஆடுகள் சௌகரியமாக இருக்கையில் அமர்ந்து ஓய்வெடுப்பதாகும். வழக்கமாக நிற்கக்கூட இடம் கிடைக்காத அந்தப் பெட்டியில், ஆடுகள் ஜன்னலருகே அமைதியாக அமர்ந்திருப்பதை அப்பகுதியில் இருந்த பயணிகள் எந்த இடையூறும் செய்யாமல் புன்னகையுடன் பார்த்தபடி நின்று கொண்டிருக்கின்றனர்.

https://www.instagram.com/reel/DaVY0_wTV6C/?utm_source=ig_web_button_share_sheet

https://www.instagram.com/reel/DaSSNIfzxsz/?utm_source=ig_web_button_share_sheet

இன்ஸ்டாகிராம் உள்ளிட்ட சமூக வலைதளங்களில் வைரலாகி வரும் இந்த வீடியோ குறித்துப் பயனர்கள் பலவிதமான கருத்துகளைப் பதிவிட்டு வருகின்றனர். சிலர் ரயில்வே நிர்வாகத்தின் அலட்சியத்தைக் கேள்வி எழுப்பியுள்ள நிலையில், சிலர் “ஆடுகளுக்கு உறுதிசெய்யப்பட்ட பயணச்சீட்டு கிடைத்திருக்கும் போலிருக்கிறது” என்று நகைச்சுவையாகக் கருத்து தெரிவித்து வருகின்றனர். இந்த வீடியோ எடுக்கப்பட்ட சூழல் தெளிவாகத் தெரியாவிட்டாலும், இணையத்தில் தொடர்ந்து பெரும் வரவேற்பைப் பெற்று வருகிறது.