தீபாவளி அதிரடிப் பரிசு: ரேஷன் அட்டைதாரர்களுக்கு இலவச மளிகைத் தொகுப்பு! முதலமைச்சர் விஜய்யின் மெகா பிளான்..!!

தமிழகத்தில் அத்தியாவசிய உணவுப் பொருட்களின் விலைவாசி உயர்வு பொதுமக்கள் மத்தியில் கணிசமான அதிருப்தியை ஏற்படுத்தியுள்ளது. இந்த நிலையில், வரவிருக்கும் தீபாவளி பண்டிகையை ஒட்டி, மக்களின் நிதிச் சுமையைக் குறைக்கும் வகையில் அனைத்து ரேஷன் அட்டைதாரர்களுக்கும் இலவச மளிகைத் தொகுப்பு வழங்க தமிழ்நாடு அரசு திட்டமிட்டு வருகிறது. இது குறித்து முதலமைச்சர் விஜய், தலைமைச் செயலகத்தில் நிதித்துறை அதிகாரிகளுடன் தீவிர ஆலோசனையில் ஈடுபட்டுள்ளார்.

பண்டிகை காலத்தில் தீபாவளி பலகாரங்கள் செய்வதற்குத் தேவையான சமையல் எண்ணெய், பருப்பு வகைகள், ரவை மற்றும் மைதா உள்ளிட்ட முக்கிய அத்தியாவசியப் பொருட்கள் அடங்கிய தொகுப்பு நியாயவிலைக் கடைகள் மூலம் நேரடியாக வழங்கப்படலாம் என எதிர்பார்க்கப்படுகிறது. இத்திட்டத்தைச் செயல்படுத்துவதற்குத் தேவையான நிதி இருப்பு, அரசுக்குக் கூடுதலாகக் கிடைக்க வேண்டிய நிதி ஒதுக்கீடு மற்றும் உத்தேச செலவினங்கள் குறித்து விரிவான அறிக்கை அளிக்குமாறு நிதித்துறை செயலாளருக்கு முதலமைச்சர் உத்தரவிட்டுள்ளார்.

விலைவாசி உயர்வு குறித்த எதிர்க்கட்சிகளின் விமர்சனங்களுக்கு முற்றுப்புள்ளி வைக்கும் வகையிலும், ஏழை எளிய மக்களின் பண்டிகைக் கால வரவு செலவு நெருக்கடிக்கு ஆறுதல் தரும் வகையிலும் இந்த நடவடிக்கை மேற்கொள்ளப்பட உள்ளது. நிதித்துறையின் அறிக்கை சமர்ப்பிக்கப்பட்டவுடன், இந்த இலவச மளிகைத் தொகுப்பு விநியோகம் குறித்த அதிகாரப்பூர்வ அறிவிப்பை முதலமைச்சர் விஜய் விரைவில் வெளியிடுவார் எனத் தலைமைச் செயலக வட்டாரங்கள் தெரிவிக்கின்றன.