“அடக்கடவுளே.. விநாயகர் ஊர்வலத்தில் அலறிய DJ…” பள்ளி மாணவி நேர்ந்த விபரீதம்.. கதறும் பெற்றோர்.. பதறவைக்கும் சிசிடிவி வீடியோ..!!

உத்தரப் பிரதேச மாநிலம் பல்ராம்பூரில் நடைபெற்ற விநாயகர் விசர்ஜன ஊர்வலத்தின் போது, அதிக சத்தத்துடன் இயக்கப்பட்ட டிஜே இசையின் அதிர்வ தாங்க முடியாமல், டிவைன் பப்ளிக் பள்ளி மாணவி ஒருவர் திடீரென உடல்நலம் பாதிக்கப்பட்டு உயிரிழந்த சம்பவம் அப்பகுதி மக்களிடையே பெரும் சோகத்தையும் அதிர்ச்சியையும் ஏற்படுத்தியுள்ளது. ஊர்வலத்தில் அனுமதிக்கப்பட்ட அளவை விட மிக அதிக சத்தத்துடன் டிஜே ஒலிபெருக்கிகள் இயக்கப்பட்டதே தன் மகளின் திடீர் உடல்நலக்குறைவிற்கும், அதன் தொடர்ச்சியான மரணத்திற்கும் காரணம் என்று மாணவியின் பெற்றோர் குற்றம் சாட்டியுள்ளனர். இருப்பினும், மாணவியின் மரணத்திற்கான துல்லியமான காரணம் என்ன என்பது மருத்துவ மற்றும் காவல்துறை விசாரணையின் அதிகாரப்பூர்வ அறிக்கை வெளிவந்த பிறகே முழுமையாகத் தெரியவரும் என அதிகாரிகள் தெரிவித்துள்ளனர்.

இந்த நெஞ்சை உலுக்கும் சம்பவத்தைத் தொடர்ந்து, பொது விழாக்களில் பயன்படுத்தப்படும் டிஜே ஒலிபெருக்கிகளின் சத்தத்தைக் கட்டுப்படுத்தும் விதிமுறைகள் மற்றும் ஒலி மாசு தடுப்புச் சட்டங்கள் முறையாகப் பின்பற்றப்படுகிறதா என்ற பலத்த கேள்விகள் எழுந்துள்ளன. அதிக சத்தத்தினால் குழந்தைகள், முதியவர்கள் மற்றும் இதய நோயாளிகளின் உடல்நிலை கடுமையாகப் பாதிக்கப்படுவதாகக் கூறும் உள்ளூர் மக்கள், அரசு நிர்ணயித்த டெசிபல் அளவை விழா அமைப்பாளர்கள் கட்டாயம் பின்பற்ற வேண்டும் என்று வலியுறுத்துகின்றனர். இந்த விவகாரத்தில் மாவட்ட நிர்வாகம் உரிய விசாரணை நடத்தி, மாணவியின் மரணத்திற்கான உண்மை காரணத்தைக் கண்டறிவதோடு, ஒலி மாசு விதிமுறைகளை மீறியவர்கள் மீது கடுமையான சட்டப்பூர்வ நடவடிக்கை எடுக்க வேண்டும் என்றும் பொதுமக்கள் கோரிக்கை விடுத்துள்ளனர்.