LATEST NEWS
“எமனுக்கு ‘டாட்டா’ காட்டிய மயில்..” காரில் மோதி சிதறிய தோகைகள்.. அடுத்த விநாடியே நடந்த அதிசயம்.. நெஞ்சை பதறவைக்கும் CCTV காட்சி..!!
அந்திக் கருக்கல் வேளையில், சுவரில் இருந்து திடீரென சாலைக்கு நடுவே பறந்து வந்த மயில் ஒன்று, வேகமாக வந்த காரில் மோதும் நெஞ்சை பதறவைக்கும் காட்சி சிசிடிவி கேமராவில் பதிவாகியுள்ளது. காரின் பலத்த மோதலில் மயிலின் தோகைகள் அனைத்தும் சாலையில் சிதறி காற்றில் பறக்கின்றன; அந்த விநாடியில் மயில் உயிரிழந்திருக்கும் என்றே அனைவரும் எண்ணத் தோன்றும். ஆனால், அடுத்த சில விநாடிகளில் தட்டுத்தடுமாறித் தன்னை நிலைநிறுத்திக் கொண்ட அந்த மயில், தன் அழகிய தோகையை இழந்தபோதிலும், உயிருடன் எழுந்து நடந்து சென்றது. காண்போரை வியப்படையச் செய்த இந்த வீடியோ, சமூக வலைத்தளங்களில் வைரலாகி வருகிறது.
டாஷ்கேம் பாணியில் பதிவாகியுள்ள இந்த வீடியோ, இயற்கையின் பரிணாம வளர்ச்சியை நமக்கு உணர்த்தும் ஒரு சிறந்த சான்றாகும். மயில்களின் தோகைகள் அவற்றின் உடலோடு மிகவும் தளர்வாகவே இணைக்கப்பட்டிருக்கும்; எதிரிகளிடம் இருந்தோ அல்லது இது போன்ற விபத்துகளில் இருந்தோ தப்பிக்க இந்த அமைப்பே உதவுகிறது. காரின் கடுமையான தாக்கத்தை மயிலின் உடல் நேரடியாகத் தாங்காமல், அதன் தோகைகள் மட்டுமே உதிர்ந்து அந்த அதிர்வை உறிஞ்சிக் கொண்டதால் தான் அந்த மயில் இன்று உயிர பிழைத்துள்ளது. வனவிலங்குகள் நடமாட்டம் உள்ள சாலைகளில் வாகன ஓட்டிகள் எப்போதும் கவனமாக இருக்க வேண்டும் என்பதை இந்தச் சம்பவம் நினைவூட்டுகிறது.
