“உங்க வீட்டம்மாவை அப்படினு பேசிருக்காருல்ல..” விஜய்யின் குடும்பத்தை இழுத்து திமுக வேட்பாளர் அதிரடி அட்டாக்… பரபரக்கும் அரசியல் களம்..!!

மதுராந்தகம் தொகுதி திமுக வேட்பாளர் பரந்தாமன், தமிழக வெற்றிக் கழகத்தின் தலைவர் விஜய் மீது கடுமையான அரசியல் விமர்சனங்களை முன்வைத்துள்ளார். தமிழ்நாட்டுப் பெண்களின் பாதுகாப்பு மற்றும் பாலியல் குற்றச்சாட்டுகள் குறித்துப் பேசிய விஜயைக் குறிப்பிட்டுப் பேசிய அவர், பாலியல் ரீதியான குற்றச்சாட்டுகளில் விஜய்யின் சொந்தக் கட்சிக்காரர்கள் தான் அதிகமாக ஈடுபட்டுள்ளதாகக் குற்றம் சாட்டியுள்ளார். மேலும், பெண்களின் பாதுகாப்பு குறித்து இவ்வளவு அக்கறையாகப் பேசும் விஜய் சார், முன்பு அவரே ஒரு வழக்குத் தொடர்ந்திருந்த காலகட்டத்தில், அவருடைய சொந்தக் கட்சியைச் சேர்ந்தவர்களே அவருடைய வீட்டம்மாவை அவதூறாகப் பேசியபோது அதைத் தட்டிக்கேட்க அவராலேயே முடியவில்லை என்றும் பரந்தாமன் சுட்டிக்காட்டியுள்ளார்.

இப்படியிருக்கையில், தமிழ்நாட்டுப் பெண்களின் பாதுகாப்பு குறித்துப் பேச விஜய்க்கு என்ன தகுதி இருக்கிறது என்று கேள்வி எழுப்பியுள்ள திமுக வேட்பாளர் பரந்தாமன், “யாரோ எழுதிக் கொடுக்கும் ஸ்கிரிப்டை அப்படியே மேடையில் வாந்தி எடுக்காதீர்கள்” என்று மிகக் காரசாரமாகச் சாடியுள்ளார். எந்தவொரு கருத்தையும் மேடைகளில் பேசுவதற்கு முன்பாக, அதன் உண்மைத்தன்மையை உணர்ந்து, சுயசிந்தனையோடு “யோசித்து பேசுங்கள் விஜய் சார்” என்று அவர் தனது கண்டனத்தை வெளிப்படுத்தியுள்ளார். இந்த அரசியல் விமர்சனம் தற்போது மதுராந்தகம் இடைத்தேர்தல் களத்திலும், தமிழக அரசியல் வட்டாரத்திலும் பெரும் விவாதப் பொருளாக மாறியுள்ளது.