“மைதானத்தில் சிங்கமா திரிஞ்ச மனுஷனுக்கு… வீட்ல வந்த சோதனையைப் பாருங்க..! ஹோட்டலில் மனைவிகள் போட்ட பாக்ஸிங்… நடுரோட்டில் மயங்கி விழுந்த எகிப்து கோச்..!” வைரல் வீடியோ..!!

எகிப்து கால்பந்து அணியின் தலைமைப் பயிற்சியாளரான ஹோசம் ஹாசன், தனது இரண்டு மனைவிகளுக்கு இடையே ஹோட்டலில் ஏற்பட்ட வன்முறை மோதலுக்குப் பிறகு சாலையில் மயங்கி விழுந்துள்ளார். எகிப்தின் வடக்குக் கரையில் உள்ள போர்ட்டோ மரினா பகுதியில் அமைந்த ஹோட்டல் ஒன்றில், அவரது முதல் மனைவி ஹொவைடா அல்-கர்பாவிக்கும் மற்றொரு மனைவி தீனா “டான் ஆடம்” முஸ்தபாவுக்கும் இடையே இந்த பயங்கரக் சண்டை நடந்துள்ளது. வாக்குவாதமாகத் தொடங்கிய இந்த மோதல், ஒருவரையொருவர் முடி இழுத்துத் தாக்குதல் நடத்தும் அளவுக்குக் கைகலப்பாக மாறியுள்ளது.

இந்த மோதலின் போது அங்கு இருந்த பயிற்சியாளர் ஹோசம் ஹாசன், மனைவிகளைத் தடுத்துச் சண்டையை நிறுத்த முயன்றுள்ளார். ஆனால், சண்டை தீவிரமடைந்து குழப்பமான சூழல் உருவானதால் அவர் திடீரென மயங்கி விழுந்தார். உடனடியாக அவர் மருத்துவமனைக்குக் கொண்டு செல்லப்பட்டுச் சிகிச்சை அளிக்கப்பட்டதில், அவர் ஆபத்தான கட்டத்தைத் தாண்டி நலமாக இருப்பதாகக் கூறப்படுகிறது. விடுதி ஊழியர்கள், உறவினர்கள் மற்றும் பாதுகாப்புப் பணியாளர்கள் தலையிட்டு இருவரையும் பிரிப்பதற்குள், பெண்களுக்குக் காயங்கள் ஏற்பட்டு ரத்தக் கசிவு உண்டானது. இந்தத் தாக்குதல் சம்பவம் குறித்த வீடியோ இணையத்தில் வெளியாகி வைரலாகி வருகிறது.

இச்சம்பவம் எகிப்து முழுவதும் பெரும் பரபரப்பை ஏற்படுத்திய நிலையில், சட்டரீதியான நடவடிக்கைகளும் தொடங்கியுள்ளன. இதில் தீனா முஸ்தபாவின் வழக்கறிஞர், தனது கிளையன்ட் திட்டமிட்டுத் தாக்கப்பட்டதாகத் தெரிவித்துள்ளார். இதற்கிடையே, இச்சம்பவத்திற்குப் பிறகு ஹாசன் தனது முதல் மனைவி ஹொவைடாவை விவாகரத்து செய்துவிட்டதாகத் தகவல்கள் வெளியாகியுள்ளன. சமீபத்தில் நடைபெற்ற உலகக்கோப்பை கால்பந்து போட்டியில் எகிப்து அணியை முதன்முறையாகச் சுற்றுப் போட்டிக்கு (Round of 16) அழைத்துச் சென்று வரலாற்றுச் சாதனை படைத்த பயிற்சியாளருக்குப் பின்னால் இத்தகைய குடும்பச் சிக்கல் ஏற்பட்டது அதிர்ச்சியை ஏற்படுத்தியுள்ளது.