“என் வாழ்க்கை நரகத்தைப் போல இருக்கு.. எனக்காக பிரார்த்தனை செய்யுங்கள்..!” 9 வைத்து சிறுவனுக்கு நேர்ந்த கொடூர விபரீதம்.. நெஞ்சை உலுக்கும் கண்ணீர் கோரிக்கை..!!

அமெரிக்காவைச் சேர்ந்த ஜெமிசன் என்ற 9 வயது சிறுவன், ‘ஹார்லெக்வின் இக்தியோசிஸ்’ என்ற மிகவும் அரிய மற்றும் கடுமையான மரபணு தோல் நோயால் பாதிக்கப்பட்டு, “தயவுசெய்து எனக்காகப் பிரார்த்தனை செய்யுங்கள்” என்று உலக மக்களிடம் விடுத்துள்ள நெஞ்சை உருக்கும் கோரிக்கை சமூக வலைத்தளங்களில் பலரையும் கண்ணீரில் ஆழ்த்தியுள்ளது. இந்த அரிய குறைபாடு சிறுவனின் தோலை வழக்கத்திற்கு மாறாக தடிமனாகவும், இறுக்கமாகவும் மாற்றுவதால், உடல் முழுவதும் கடுமையான வலிமிகுந்த வெடிப்புகள், கொடூரமான தொற்று பாதிப்புகள் மற்றும் உடல் வெப்பநிலையைச் சீராக்க முடியாத அவதி போன்ற உயிருக்கு ஆபத்தான சிக்கல்களை ஏற்படுத்துகிறது. தனது வாழ்நாள் முழுவதும் இந்த வேதனையுடனேயே வாழ்ந்து வரும் ஜெமிசன், இந்த கோடைகாலம் முழுவதும் மருத்துவமனையிலேயே கழித்துள்ள நிலையில், “என் வாழ்க்கை நரகத்தைப் போல இருக்கிறது; நான் என் வாழ்க்கையில் மகிழ்ச்சியாகவே இல்லை” என்று அழுதுகொண்டே வீடியோவில் பேசியுள்ளது பார்ப்போரின் நெஞ்சை உலுக்கியுள்ளது.

அதிகபட்ச அளவு வலி நிவாரண மருந்துகள் கொடுத்தும் அவனது வலியைக் கட்டுப்படுத்த முடியாததால், அவன் வலியால் அலறி வாந்தி எடுத்ததாக அவனது தாய் அலிசியா கண்ணீருடன் தெரிவித்துள்ளார். தற்போது அவனது உடலில் இரண்டு கடுமையான பாக்டீரியா தொற்றுகள் ஏற்பட்டுள்ளதால், நிலைமை மேலும் மோசமடைந்துள்ளது. தற்பொழுது அவனது உடல்நிலை ஓரளவு சீராக இருந்தாலும், அடுத்து என்ன செய்வது என்பது குறித்து முடிவெடுக்க 12 மருத்துவ நிபுணர்கள் மற்றும் தற்காலிகக் குறைப்புச் சிகிச்சை குழுவினருடன் பேச அவனது தாய் தயாராகி வருகிறார். ஒரு 9 வயது சிறுவன் வேதனை தாங்க முடியாமல் உலக மக்களிடம் “எனக்காகப் பிரார்த்தனை செய்யுங்கள்” என்று கேட்டுள்ளதால், அவனது வலி குறையவும் தொற்று நோய்கள் குணமாகவும் இணையத்தில் லட்சக்கணக்கான மக்கள் அவனுக்காகப் பிரார்த்தனைகளையும், ஆறுதல் செய்திகளையும் பகிர்ந்து வருகின்றனர்.