ஒரே ஒரு சைகை… தங்கை சொன்ன அந்த ஒரு வார்த்தை..! Gen Z டிரெண்ட் முதல் நம்பர் 1 பந்துவீச்சாளர் வரை… மகளிர் DPL-ல் பட்டையைக் கிளப்பும் 20 வயது இளம் புயல்..!!

மகளிர் டெல்லி பிரீமியர் லீக் 2026 தொடரில் பங்கேற்று வரும் 20 வயதான சுழற்பந்து வீச்சாளர் மேதவி பிதுரி, இணையத்தில் வைரலான தனது ‘6-7’ கொண்டாட்டத்திற்குப் பிறகு, தற்போது இத்தொடரில் அதிக விக்கெட்டுகளை வீழ்த்திய பந்துவீச்சாளராக உருவெடுத்து மீண்டும் தலைப்புச் செய்திகளில் இடம் பிடித்துள்ளார். திங்கள்கிழமை நடைபெற்ற சென்ட்ரல் டெல்லி குவீன்ஸ் மற்றும் சவுத் டெல்லி சூப்பர்ஸ்டார்ஸ் அணிகளுக்கு இடையிலான போட்டியில் 2 விக்கெட்டுகளைக் கைப்பற்றி இச்சாதனையை அவர் படைத்துள்ளார்.

கடந்த ஆகஸ்ட் 20 அன்று நடைபெற்ற தொடரின் தொடக்கப் போட்டியில், சவுத் டெல்லி சூப்பர்ஸ்டார்ஸ் பேட்டர் நிஷிகா சிங்கின் விக்கெட்டை வீழ்த்திய போது, மேதவி பிதுரி ‘Gen Z’ பாணியில் செய்த ‘6-7’ சைகை கொண்டாட்டம் சமூக வலைதளங்களில் மிக வேகமாகப் பரவியது. போட்டியில் அவர் “67” என்ற ஜெர்சி எண்ணை அணிந்திருந்ததால், இந்த வித்தியாசமானக் கொண்டாட்டம் ரசிகர்களின் கவனத்தை ஈர்த்து அவர் ஒரே இரவில் இணையத்தில் வைரல் நாயகியாக மாறினார்.

இந்த வைரல் கொண்டாட்டத்தின் பின்னணி குறித்துப் பேசிய மேதவி பிதுரி, இதற்கான யோசனை தனது தங்கையிடமிருந்து வந்ததாகத் தெரிவித்தார். “எனது தங்கை ஒரு Gen Z வகை நபர்; அதனால் தான் அவர் என்னை 67 ஆம் எண் ஜெர்சியைத் தேர்வு செய்து, இந்த ‘6-7’ டிரெண்டிங் சைகையை விக்கெட் கொண்டாட்டமாக மாற்றச் சொன்னார்” என்று அவர் குறிப்பிட்டுள்ளார். வைரலான பிரபல்யத்தோடு சேர்த்து, போட்டிகளிலும் சிறந்த செயல்பாட்டை வெளிப்படுத்தி அவர் முதன்மை விக்கெட் வீழ்த்தாளராக மாறியுள்ளார்.