ஊரான் வீட்டு நெய்யில் உங்கள் ஸ்டிக்கர் ஒட்டலாமா CM சார்..? முதல்வர் விஜய்க்கு அப்பாவு கேள்வி..!!

இந்தியாவின் முன்னாள் பிரதமர் ஜவஹர்லால் நேருவின் பிறந்தநாளான நவம்பர் 14-ஆம் தேதியை முன்னிட்டு, குழந்தைகள் தினம் நாடு முழுவதும் கொண்டாடப்படுகிறது. இதனையொட்டி, தமிழக அரசின் சார்பில் பள்ளி மாணவ, மாணவிகளுக்கு இனிப்பு மற்றும் கேக்குகள் வழங்கப்பட்டன. ஆனால், அந்த கேக் பெட்டிகளில் நேருவின் புகைப்படத்திற்குப் பதிலாக முதலமைச்சரின் புகைப்படம் இடம்பெற்றிருந்தது புதிய சர்ச்சையைக் கிளப்பியுள்ளது.

இந்த விவகாரம் குறித்து தமிழக சட்டப்பேரவையின் முன்னாள் சபாநாயகர் அப்பாவு தனது கடுமையான கண்டனத்தைப் பதிவு செய்துள்ளார். நேருவின் பிறந்தநாளைக் கொண்டாடும் நிகழ்வில் அவரது படத்தையே தவிர்த்துவிட்டு, சுய விளம்பரத்திற்காக முதல்வரின் புகைப்படத்தை அச்சிட்டு வழங்கியிருப்பது ஏற்புடையதல்ல என அவர் விமர்சித்துள்ளார்.

மேலும், இந்தச் செயலைச் சுட்டிக்காட்டி முதலமைச்சருக்குக் கேள்வி எழுப்பியுள்ள அவர், “ஊரான் வீட்டு நெய்யில் உங்கள் ஸ்டிக்கர் ஒட்டலாமா CM சார்?” என்று காட்டமாகக் குறிப்பிட்டுள்ளார். தேசத் தலைவர்களின் நினைவு தினங்கள் மற்றும் பிறந்தநாள் கொண்டாட்டங்களில் அவர்களது அடையாளங்களை மறைத்து, தனிநபர் விளம்பரம் தேடுவது சரியான நடைமுறையல்ல என்ற விவாதத்தை இவரது கருத்து அரசியல் வட்டாரத்தில் ஏற்படுத்தியுள்ளது