பட்டதாரிகளுக்கு சூப்பர் சான்ஸ்…! SBI வங்கியில் மாதம் ரூ.48,000 ஆரம்ப சம்பளத்தில் வேலை… விண்ணப்பிக்க கடைசித் தேதி…? முழு விவரம் இதோ…!!

ஸ்டேட் பேங்க் ஆஃப் இந்தியாவில் (SBI) 2026-27 ஆம் ஆண்டிற்கான ‘புரோபேஷனரி ஆபீசர்’ (PO) பதவிக்கான புதிய வேலைவாய்ப்பு அறிவிப்பு வெளியிடப்பட்டுள்ளது. மொத்தம் 1,500 காலிப்பணியிடங்களை நிரப்புவதற்காக நடத்தப்படும் இந்த ஆட்சேர்ப்பிற்கு, ஏதேனும் ஒரு அங்கீகரிக்கப்பட்ட பல்கலைக்கழகத்தில் இளங்கலைத் பட்டம் பெற்ற பட்டதாரிகளும், இறுதியாண்டு படிக்கும் மாணவர்களும் விண்ணப்பிக்கலாம்.

தகுதியும் ஆர்வமும் உள்ளவர்கள் ஜூன் 18, 2026 முதல் ஜூலை 8, 2026 வரை வங்கியின் அதிகாரப்பூர்வ இணையதளம் வழியாக மட்டுமே ஆன்லைனில் விண்ணப்பிக்க முடியும். இதற்கான வயது வரம்பு 21 முதல் 30-க்குள் இருக்க வேண்டும் என்றாலும், அரசு விதிகளின்படி குறிப்பிட்ட பிரிவினருக்கு வயது தளர்வு உண்டு.

இப்பணிக்குத் தேர்வு செய்யப்படுபவர்கள் ஆரம்ப அடிப்படைச் சம்பளமாக ₹48,480 பெறுவதுடன், அகவிலைப்படி, வீட்டு வாடகைப்படி, மருத்துவ வசதிகள் மற்றும் நிறுவன தங்குமிடம் போன்ற கூடுதல் சலுகைகளையும் பெறுவார்கள். தொடக்கத்தில் இரண்டு ஆண்டுகள் தகுதிகாண் பருவத்தில் பணிபுரிய வேண்டியிருக்கும்.

விண்ணப்பதாரர்கள் முதற்கட்டத் தேர்வு, முதன்மைத் தேர்வு மற்றும் உளவியல் தேர்வுடன் கூடிய நேர்காணல் என மொத்தம் மூன்று கட்டத் தேர்வு முறைகளின் அடிப்படையில் தகுதியின் பொருட்டுத் தேர்ந்தெடுக்கப்படுவார்கள். தகுதியானவர்கள் வங்கியின் அதிகாரப்பூர்வ வலைத்தளத்திற்குச் சென்று விண்ணப்பப் படிவத்தை நிரப்பி, தேவையான ஆவணங்களைப் பதிவேற்றி, கட்டணத்தைச் செலுத்தி ஜூலை 8-ஆம் தேதிக்குள் தங்களது பதிவை உறுதி செய்து கொள்ளலாம்.