“ஒரே ஒரு முறை முதலீடு…! மாதம் ரூ.9,250 கேரண்டி வருமானம்…” நடுத்தர மக்களுக்கு வரபிரசாதம்… லட்சத்தை அள்ளி தரும் போஸ்ட் ஆபீஸின் சூப்பர் திட்டம்…!!

பங்குச்சந்தை அபாயங்கள் ஏதுமின்றி, முதலீடு செய்யும் பணத்திற்கு 100 விழுக்காடு மத்திய அரசின் பாதுகாப்புடன் நிலையான லாபம் பெற விரும்புபவர்களுக்கு அஞ்சலக மாதாந்திர வருமானத் திட்டம் ஒரு மிகச்சிறந்த வாய்ப்பாகும். தற்போதைய நிலவரப்படி ஆண்டுக்கு 7.4 சதவீத வட்டி லாபம் அளிக்கும் இச்சேமிப்பில், ஒரே ஒரு முறை மட்டும் பணத்தைச் செலுத்திவிட்டு ஒவ்வொரு மாதமும் தடையற்ற வருவாயைப் பெற்றுக்கொள்ள முடியும்.

இத்திட்டத்தில் தனிநபராகக் கணக்குத் தொடங்குபவர்கள் அதிகபட்சமாக 9 லட்சம் ரூபாய் வரையிலும், கூட்டுக் கணக்காகத் தொடங்குபவர்கள் 15 லட்சம் ரூபாய் வரையிலும் வைப்பு நிதி செலுத்தப் புதிய விதிமுறைகள் அனுமதிக்கின்றன.

உதாரணமாக, ஒரு குடும்பத்தினர் தங்களது கூட்டுக் கணக்கில் உச்ச வரம்பான 15 லட்சம் ரூபாயை முதலீடு செய்யும் பட்சத்தில், அவர்களுக்கு வருடத்திற்கு 1,11,000 ரூபாய் வட்டியாகக் கணக்கிடப்பட்டு, மாதந்தோறும் தோராயமாக 9,250 ரூபாய் கைநிறைய வருமானமாகக் கிடைக்கும்.

ஐந்து ஆண்டுகள் முதிர்வுக் காலம் கொண்ட இத்திட்டத்தின் மூலம், குறிப்பிட்ட காலத்திற்குள் வட்டித் தொகையாக மட்டுமே சுமார் 5.55 லட்சம் ரூபாய் வரை ஈட்ட முடியும். அவசரத் தேவைக்காகக் கணக்கைத் தொடங்கிய ஓராண்டிற்குள் பணத்தை எடுக்க முடியாது என்றும், 1 முதல் 3 ஆண்டுகளுக்குள் கணக்கை முடித்தால் 2 சதவீதம் அபராதத் தொகை கழிக்கப்படும் என்பதால் முதிர்வு நாள் வரை தொடர்வதே முழுப் பலனைத் தரும்.