“அப்போ நாங்க என்ன தக்காளி தொக்கா..?” இடைத்தேர்தல் முடிந்ததும் திமுக சொன்ன வார்த்தை… கோபத்தில் கொந்தளிக்கும் பிரேமலதா..!!

2026 தமிழக சட்டப்பேரவைத் தேர்தலுக்குப் பிறகு மதுராந்தகம் மற்றும் தாராபுரம் தொகுதிகளில் நடைபெற்ற இடைத்தேர்தல் முடிவுகள் தமிழக அரசியல் களத்தில் பெரும் விவாதங்களை ஏற்படுத்தியுள்ளன. இந்த இரு தொகுதிகளிலும் ஆளும் தவெக அபார வெற்றி பெற்றுள்ள நிலையில், திமுக இரண்டாவது இடத்துக்கும், அதிமுக மூன்றாவது இடத்திற்கும் தள்ளப்பட்டுள்ளன. குறிப்பாக மதுராந்தகத்தில் தவெகவின் வாக்கு வங்கி 31 சதவிகிதத்தில் இருந்து 40 சதவிகிதமாகவும், தாராபுரத்தில் 23ல் இருந்து 37 சதவிகிதமாகவும் உயர்ந்துள்ளது. அதிமுகவின் வாக்குகள் கணிசமாகச் சரிந்து தவெக பக்கம் மாறியுள்ளதும் இந்தத் தேர்தல் முடிவுகள் மூலம் தெரியவந்துள்ளது.

இந்த இடைத்தேர்தல் வெற்றியைத் தொடர்ந்து, சமூக வலைதளங்களில் திமுகவினர் தீவிர விவாதங்களை முன்னெடுத்து வருகின்றனர். கடந்த 2026 பொதுத் தேர்தலில் காங்கிரஸ், விசிக, மதிமுக, இடதுசாரிகள் எனப் பல கட்சிகள் கொண்ட மெகா கூட்டணியுடன் களம் கண்ட திமுக, தற்போது இடைத்தேர்தலில் தனித்து நின்றுதான் கணிசமான வாக்குகளைப் பெற்றதாக உடன்பிறப்புகள் கூறி வருகின்றனர். இருப்பினும், இந்த வாதம் திமுக கூட்டணியில் உள்ள மற்ற கட்சிகளிடையே கடுமையான அதிருப்தியை ஏற்படுத்தியுள்ளதுடன், கோயம்பேடு வட்டாரத்தில் சலசலப்பையும் தோற்றுவித்துள்ளது.

கடந்த பொதுத் தேர்தலில் திமுக கூட்டணியில் இடம்பெற்றிருந்த தேமுதிக, இடைத்தேர்தலில் தங்களுக்கு ஆதரவளிக்க வேண்டும் என முதல்வர் மு.க.ஸ்டாலின் நேரில் தங்களை நாடியதாகக் கூறி வருகிறது. மேலும், பிரச்சாரக் கூட்டங்களிலும் தேமுதிகவின் பங்களிப்பை உதயநிதி ஸ்டாலின் வெளிப்படையாகப் பாராட்டிப் பேசியிருந்தார். மக்கள் நீதி மய்யம், மனிதநேய மக்கள் கட்சி, மனிதநேய ஜனநாயக கட்சி உள்ளிட்ட பல்வேறு அமைப்புகளும் இன்றும் திமுக கூட்டணியின் அங்கம் வகிக்கும் நிலையில், திமுகவினர் தங்களை மட்டும் முன்னிலைப்படுத்திப் பேசுவது தேமுதிக பொதுச் செயலாளர் பிரேமலதா விஜயகாந்தைக் கடும் கோபத்தில் ஆழ்த்தியுள்ளதாகத் தகவல்கள் வெளியாகியுள்ளன.

திமுகவினரின் இந்த ஒருபக்க வாதம் மற்றும் சமூக வலைதளப் பதிவுகள் குறித்து தேமுதிக தலைமை தரப்பில் கடும் அதிருப்தி தெரிவிக்கப்பட்டுள்ளது. தங்களை அரவணைத்துச் செல்வதாகக் கூறிவிட்டு, வெற்றி பெற்றதும் கூட்டணி சக்திகளின் பங்களிப்பைப் புறக்கணிப்பது போல் திமுகவினர் பேசுவது முறையல்ல என்று பிரேமலதா விஜயகாந்த் தனது கட்சி நிர்வாகிகளிடம் வெளிப்படையாகவே வேதனையை வெளிப்படுத்தியுள்ளதாகக் கூறப்படுகிறது. இந்தச் சூழல் எதிர்காலத்தில் திமுக – தேமுதிக கூட்டணி உறவில் என்ன மாதிரியான தாக்கத்தை ஏற்படுத்தப் போகிறது என்ற எதிர்பார்ப்பும் அரசியல் வட்டாரத்தில் எழுந்துள்ளது.