“நான் தேமுதிகவை சொல்லலப்பா” சிலருக்கு வயிற்று எரிச்சல்.. திருமாவளவன் திடீர் அந்தர் பல்டி..!!

விடுதலை சிறுத்தைகள் கட்சியின் தலைவர் தொல். திருமாவளவன் எம்பி, கடலூரில் தந்தை பெரியார் சிலைக்கு மாலை அணிவித்து மரியாதை செலுத்திய பின், தேமுதிக குறித்து தான் பேசிய கருத்துக்கான விளக்கத்தை செய்தியாளர்களிடம் அளித்துள்ளார். ஆளும் திமுக கூட்டணியில் விசிக அமைச்சரவையில் இடம்பெற்றிருப்பது சிலருக்கு வயிற்று எரிச்சலை உண்டாக்கி வருவதாக அவர் இப்பேட்டியில் குறிப்பிட்டுக் கூறினார்.

முன்னதாக, சட்டமன்ற தேர்தலில் திமுக கூட்டணியில் தேமுதிகவுக்கு அதிக இடங்கள் கொடுத்தது விசிக போன்ற கட்சிகளுக்கு அதிருப்தியை ஏற்படுத்தியிருக்கலாம் எனத் திருமாவளவன் பேசியதற்கு, தேமுதிக பொதுச்செயலாளர் பிரேமலதா விஜயகாந்த் “எங்களைப் பார்த்து பயமா?” எனப் பதிலடி கொடுத்திருந்தார். இதற்குப் பதில் தரும் வகையில் பேசிய திருமாவளவன், தேமுதிக திடீரென கூட்டணிக்குள் வந்ததால் ஏற்கனவே இருந்த கட்சிகளின் உறவு பாதிக்க வாய்ப்பிருந்ததாகத் தான் கூறிய கருத்தை, பிரேமலதா தவறாகப் புரிந்து கொண்டுள்ளதாகத் தெரிவித்து அந்தர் பல்டி அடித்துள்ளார்.

மேலும், தமிழகத்தில் வரவிருக்கும் இடைத்தேர்தலில் தமிழக வெற்றிக் கழகத்திற்கு விசிக முழு ஆதரவு கொடுத்து பிரசாரம் செய்ய உள்ளோம் என்றும் திருமாவளவன் அதிரடியாக அறிவித்துள்ளார். தேமுதிக விவகாரத்தில் அவர் அந்தர் பல்டி அடித்ததும், தவெக-வுக்கு ஆதரவு அறிவித்ததும் தற்போது தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.