“என்னை கல்யாணம் பண்ணிக்கிறேன்னு சொல்லி…” எம்பி ஆனதும் எஸ்கேப் ஆன ராவணன்.. நீதிமன்ற படியேறிய சுவிட்சர்லாந்து டாக்டர்.. அரசியல் வட்டாரத்தை உலுக்கும் மெகா சர்ச்சை..!!

உத்தரப் பிரதேச மாநிலத்தின் நகினா தொகுதி நாடாளுமன்ற உறுப்பினர் சந்திரசேகர் ராவணன் மீது, சுவிட்சர்லாந்தில் மருத்துவப் படிப்பு படித்து வந்த டாக்டர் ரோகிணி கவாரி என்பவர் பாலியல் மற்றும் மோசடிப் புகார்களைக் கூறி நீதிமன்றத்தை நாடியுள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. சந்திரசேகர் ராவணன் தன்னைத் திருமணம் செய்து கொள்வதாகவும், ஆசையோடு தங்களது வீட்டிற்கு மருமகளாக அழைத்துச் செல்வதாகவும் கூறி ஏமாற்றி, ஆசை வார்த்தைகளை நம்ப வைத்துப் பலமுறை பாலியல் ரீதியாகப் பயன்படுத்திக் கொண்டதாக ரோகிணி குற்றம் சாட்டியுள்ளார். சுவிட்சர்லாந்தில் தான் மருத்துவப் படிப்பு படித்துக் கொண்டிருந்தபோது, அவர்கள் இருவரும் பெரும்பாலும் இரவு நேரங்களில் நீண்ட நேரம் பேசிக் கொண்டதாகவும், தங்களுக்குள் நெருக்கம் அதிகரித்த பின்னர் அவர் தன்னை மெல்லத் தவிர்க்கத் தொடங்கியதாகவும் ரோகிணி தனது புகாரில் விவரித்துள்ளார்.

குறிப்பாக, சந்திரசேகர் ராவணன் தேர்தலில் போட்டியிட்டு நாடாளுமன்ற உறுப்பினராக வெற்றி பெற்ற பிறகு, தனக்கென நேரம் ஒதுக்குவதை முற்றிலும் நிறுத்திவிட்டு முழுமையாகத் தன்னைத் துண்டித்துக் கொண்டதாக ரோகிணி வேதனையுடன் தெரிவித்துள்ளார். மேலும், இந்த விவகாரம் தொடர்பாகத் தங்களுக்கிடையே நடந்த உரையாடல்கள், புகைப்படங்கள் மற்றும் வீடியோ ஆதாரங்கள் தன்னிடம் உள்ளதாகக் கூறியுள்ள அவர், தமக்கு நீதி கோரி நீதிமன்றத்தில் வழக்கைத் தொடர்ந்துள்ளார். இந்தத் தொடர் குற்றச்சாட்டுகளால் எம்பி சந்திரசேகர் ராவணன் தற்போது கடுமையான சட்ட மற்றும் அரசியல் நெருக்கடிகளில் சிக்கியுள்ளார். இந்த விவகாரம் தற்பொழுது நீதிமன்றத்தின் பரிசீலனையில் இருப்பதால், இதில் கூறப்பட்டுள்ள குற்றச்சாட்டுகளில் எவ்வளவு உண்மை, எவ்வளவு பொய் என்பது சட்டப்பூர்வ விசாரணைக்குப் பிறகே முழுமையாகத் தெரியவரும்.