உக்ரைனில் கொடூரம்.. குடியிருப்பு மீது ரஷியா குண்டுவீச்சு தாக்குதல்.. கொத்துக்கொத்தாக சரிந்த உயிர்கள்.. மாபெரும் அதிர்ச்சி..!!

உக்ரைனின் சபோரிஷியா பகுதியில் உள்ள குடியிருப்பு கட்டிடங்களை குறிவைத்து ரஷியா நடத்திய கொடூரமான குண்டுவீச்சு தாக்குதலில் 3 குழந்தைகள் உட்பட 20 பேர் பரிதாபமாக உயிரிழந்துள்ளனர். இந்தத் தாக்குதலில் 16-க்கும் மேற்பட்டோர் படுகாயமடைந்துள்ள நிலையில், இடிபாடுகளுக்கு இடையே சிக்கியுள்ள பலரைத் தேடும் பணி தீவிரமாக நடந்து வருகிறது. கடந்த நான்கு நாட்களில் மட்டும் ரஷியாவின் தொடர் தாக்குதல்களால் உக்ரைனில் 60-க்கும் மேற்பட்ட பொதுமக்கள் கொல்லப்பட்டுள்ளதாக அதிபர் ஜெலென்ஸ்கி கவலை தெரிவித்துள்ளார்.

இப்படியொரு இக்கட்டான சூழலில், அமெரிக்க இடைக்காலத் தேர்தலுக்கு முன்னதாக தன் நாட்டு எரிபொருள் விலையைக் கட்டுப்படுத்த ரஷியாவிடம் இருந்து பெருமளவில் டீசல் வாங்குவதற்கான புதிய ஒப்பந்தத்தை டிரம்ப் அறிவித்துள்ளார். ரஷியாவுக்கு இந்தியா நிதியளிப்பதாக முன்பு குற்றம் சாட்டிய அமெரிக்கா, தற்போது சுயநலத்திற்காக ரஷியாவுடன் கைகோர்த்திருப்பது டபுள் கேம் ஆடுவதைக் காட்டுவதாக விமர்சனங்கள் எழுந்துள்ளன. இந்த ஒப்பந்தம் போரை மேலும் நீட்டிக்கும் ஒரு முதலீடு என்றும், ரஷியாவின் பயங்கரவாதம் இன்னும் அதிகரிக்கும் என்றும் உக்ரைன் அதிபர் ஜெலென்ஸ்கி கடுமையாகச் சாடியுள்ளார்.