இரவோடு இரவாக..! “அண்ணி சங்கீதா தான் வேணும்” எக்ஸ் தளத்தில் ‘Say No To Trisha’ ஹேஷ்டேக்கை டிரெண்ட் செய்யும் விஜய் ரசிகர்கள்…!!

தமிழக முதலமைச்சர் சி. ஜோசப் விஜய்யின் ரசிகர்கள் மற்றும் ஆதரவாளர்கள் ‘Say No To Trisha’ என்ற ஹேஷ்டேக்கை எக்ஸ் (X) சமூக வலைதளத்தில் பல மணி நேரமாக தேசிய அளவில் தீவிரமாக டிரெண்ட் செய்து வருகின்றனர். தங்களது தலைவரின் குடும்ப வாழ்க்கையையும், அவரது பொதுவாழ்வு பிம்பத்தையும் முன்னிறுத்தி ரசிகர்கள் இந்த இணையப் போராட்டத்தைக் கையில் எடுத்துள்ளனர். அரசியல் மற்றும் சினிமா வட்டாரங்களில் இந்த ஹேஷ்டேக் தற்போது பெரும் விவாதப் பொருளாக மாறியுள்ளது.

சமீபத்தில் நடைபெற்ற முக்கிய நிகழ்வு ஒன்றில், முதலமைச்சர் விஜய்யின் மனைவி சங்கீதா மற்றும் அவரது குழந்தைகள் பங்கேற்பார்கள் என்று ரசிகர்கள் ஆவலோடு எதிர்பார்த்திருந்தனர். ஆனால், அவர்களுக்கு அதிர்ச்சியளிக்கும் வகையில் நடிகை த்ரிஷா அந்த நிகழ்வில் சிறப்பு விருந்தினராகக் கலந்துகொண்டார். இதனால் ஏமாற்றமடைந்த ரசிகர்கள், தங்களுக்கு த்ரிஷாவின் வருகை சற்றும் உடன்பாடில்லை என்றும், அண்ணி சங்கீதாவுடன் விஜய்யைப் பார்ப்பதையே தாங்கள் விரும்புவதாகவும் எக்ஸ் தளத்தில் பதிவிட்டு வருகின்றனர்.

இனிவரும் காலங்களில் இது போன்ற சம்பவங்கள் தங்களுக்குள் அதிருப்தியை ஏற்படுத்தும் என்பதால், விஜய் இதனைத் தவிர்க்க வேண்டும் என அவரது ஆதரவாளர்கள் கோரிக்கை விடுத்துள்ளனர். தலைவரின் தனிப்பட்ட மற்றும் அரசியல் நகர்வுகளில் த்ரிஷாவின் தலையீடு இருப்பதாகக் கிளம்பும் வதந்திகளுக்கு முற்றுப்புள்ளி வைக்கவே இந்தத் தீவிர டிரெண்டிங் நடத்தப்படுவதாக ரசிகர்கள் தரப்பில் கூறப்படுகிறது.