“கொஞ்சமாட்டும் அறிவு இருக்கா..?” பக்கத்துல பேசின் இருந்தும் டேபிள்ல கை கழுவிய கஸ்டமர்.. பிரபல ஹோட்டலில் நடந்த ஷாக்கிங் சம்பவம்..! கொந்தளிக்கும் நெட்டிசன்கள்..!!

சிங்கப்பூரில் உள்ள ஒரு உணவகத்தில், அருகில் கை கழுவும் வசதி இருந்தும், மேசைக்கு அருகிலேயே நபர் ஒருவர் கை கழுவிய வீடியோ சமூக வலைதளங்களில் கடும் விமர்சனங்களை ஏற்படுத்தியுள்ளது. இன்ஸ்டாகிராம் பக்கத்தில் பகிரப்பட்ட இந்த வீடியோவில், வாடிக்கையாளர் ஒருவர் தான் அமர்ந்திருந்த டைனிங் டேபிளுக்கு அருகிலேயே கைகளைக் கழுவும் போது தண்ணீர் தரை முழுவதும் சிதறுவது பதிவாகியுள்ளது. அவரிடம் வந்துகொண்டே இருக்கும் தண்ணீரைக் கண்டுகொள்ளாமல், அவனுடன் இருந்த பெண் தொடர்ந்து உணவை உட்கொள்வதைக் காண முடிகிறது.

இந்தச் சம்பவத்தின் போது, உணவக ஊழியர் ஒருவர் தரையில் பரவிய தண்ணீரைக் கூட்டுவதற்காக துடைப்பத்துடன் வருவது பார்வையாளர்களின் கவனத்தை ஈர்த்துள்ளது. வாடிக்கையாளர்கள் இருவரும் தொடர்ந்து அமர்ந்து சாப்பிட்டுக் கொண்டிருக்க, அந்தப் பணியாளர் உடனடியாக ஈரமான பகுதியைத் துடைக்கத் தொடங்குகிறார். பணியாளருக்கு ஏற்பட்ட சிரமத்தை வாடிக்கையாளர்கள் எவரும் சற்றும் கண்டுகொள்ளாதது போன்ற இந்த விநோதக் காட்சி, இணையத்தில் உணவு உண்ணும் நாகரிகம் மற்றும் தூய்மை குறித்த விவாதங்களைத் தூண்டியுள்ளது.

https://www.instagram.com/reel/DfE71pPBJqP/?utm_source=ig_web_button_share_sheet

இதனைத் தொடர்ந்து, வாடிக்கையாளர்கள் தங்களது வளாகத்தில் உள்ள பிரத்யேக கை கழுவும் வசதிகளைப் பயன்படுத்துமாறு ‘டிகே சிக்னேச்சர்ஸ்’ உணவகம் நினைவூட்டியுள்ளது. நுழைவாயிலுக்கு அருகில் பேசின் மற்றும் பின்புறத்தில் கழிப்பறை வசதி இருப்பதை உணவகம் சுட்டிக்காட்டியுள்ளது. உணவு மேசைகள் கை கழுவுவதற்கான இடங்கள் அல்ல என்றும், தரையில் தண்ணீர் சிந்துவது வழுக்கி விழும் அபாயத்தை உருவாக்குவதோடு பணியாளர்களின் சுமையைக் கூட்டுவதாகவும் தெரிவித்து, வாடிக்கையாளர்கள் பொறுப்புடன் நடந்து கொள்ளுமாறு கேட்டுக் கொண்டுள்ளது.