அமைச்சர் கீர்த்தனா பதவி பறிப்பு விவகாரத்தில் திடீர் திருப்பம்.. பனையூர் வட்டாரத்தை அதிரவைத்த ஆதவ் அர்ஜுனாவின் ஸ்டேட்மெண்ட்..!!

தமிழக வெற்றிக் கழக அமைச்சரவையில் தொழில்துறை அமைச்சராக இருக்கும் கீர்த்தனாவின் பதவி பறிக்கப்பட இருப்பதாக பனையூர் அரசியல் வட்டாரத்தில் பரவிய வதந்திகளுக்கு, அக்கட்சியின் முக்கிய நிர்வாகியும் அமைச்சருமான ஆதவ் அர்ஜுனா முற்றுப்புள்ளி வைத்துள்ளார். முதலமைச்சர் விஜய்யின் லண்டன் முதலீட்டுப் பயணத்தில் தொழில்துறை அமைச்சர் பங்கேற்காததால் இந்த சர்ச்சை வெடித்தது.

தொழில் முதலீடுகளை ஈர்ப்பதற்கான லண்டன் பயணத்தில் தொழில்துறை அமைச்சர் கீர்த்தனா ஏன் இடம் பெறவில்லை என எதிர்க்கட்சிகள் மற்றும் அரசியல் வட்டாரத்தில் கேள்விகள் எழுப்பப்பட்டன. அவர் மீது முதல்வர் அதிருப்தியில் இருப்பதாகவும், அதன் காரணமாகவே அவர் புறக்கணிக்கப்பட்டு விரைவில் அவரது அமைச்சர் பதவி பறிக்கப்படலாம் என்றும் பனையூர் வட்டாரத்தில் தகவல்கள் பரவின.

இந்நிலையில் இந்த விவகாரத்தில் திடீர் திருப்பமாக விளக்கமளித்துள்ள அமைச்சர் ஆதவ் அர்ஜுனா, அமைச்சர் கீர்த்தனாவுக்கு உடல்நிலை சரியில்லாத காரணத்தினாலேயே அவர் லண்டன் பயணத்தில் பங்கேற்க முடியவில்லை என்று தெளிவுபடுத்தியுள்ளார். இதன் மூலம் கீர்த்தனாவின் அமைச்சர் பதவிக்கு எந்த ஆபத்தும் இல்லை என்பதும், பரவிய தகவல்கள் அனைத்தும் வெறும் வதந்திகளே என்பதும் உறுதியாகியுள்ளது.