சட்டசபைக்குள் வந்து எலும்பை உடைப்பாரம்.. இதெல்லாம் என்ன பேச்சு..? – முதல்வர் விஜய் விடுத்த எச்சரிக்கை..!!

தமிழ்நாடு சட்டமன்றப் பதிலுரையின் போது இன்று , எதிர்க்கட்சியான திமுக உறுப்பினர்களின் ஆக்ரோஷமான பேச்சைச் சுட்டிக்காட்டிய முதலமைச்சர் விஜய், “சட்டசபைக்குள் வந்து எலும்பை உடைப்பேன் என ஓர் ‘ஆர்த்தோ சர்ஜன்’ போல பேசுவதா?” என்று அவையில் ஆவேசமாகக் கேள்வி எழுப்பியுள்ளார். சட்டம் ஒழுங்கு மற்றும் காவல் துறை மானியக் கோரிக்கை மீதான விவாதத்தில் திமுகவினர் காட்டிய கடுமையான அராஜகப் போக்கைக் கண்டித்த அவர், மக்கள் பிரதிநிதிகள் கூடும் ஒரு உயர்ந்த அவையில் இத்தகைய வன்முறையைத் தூண்டும் வார்த்தைகளைப் பயன்படுத்துவது ஜனநாயகத்திற்கு அழகல்ல என்றும் சாடினார்.

மேலும், இதுபோன்ற பொறுப்பற்ற, நாகரிகமற்ற மற்றும் அநாகரிகமான பேச்சுகளைத் தொடர்ந்து பேசி வந்ததால்தான் மக்கள் அவர்களைத் தகுந்த இடத்தில் அமர வைத்துள்ளார்கள் என்றும், அதனால்தான் அவர்கள் தற்பொழுது எதிர்க்கட்சி வரிசையில் அமர்ந்திருக்கிறார்கள் என்றும் முதலமைச்சர் விஜய் மிகக் கடுமையாக விமர்சித்தார். அவையின் கண்ணியத்தைக் குலைக்கும் வகையில் பேசும் எதிர்க்கட்சியினருக்குத் தங்களது அரசு சட்டம் மூலமாகவே தகுந்த பாடம் புகட்டும் என்றும் அவர் தனது பதிலுரையில் எச்சரித்தார்.