“ஒரு ‘போஸ்ட்’ போட்டதற்கு மரணக் கயிறா..?!” 23 வயது மாணவிக்கு நேர்ந்த கொடூரம்.. ஈரானின் கொடூர முகம்.. பதறவைக்கும் பின்னணி..!!

ஈரானில் ஏற்பட்ட கடும் பொருளாதார நெருக்கடி மற்றும் அரசு நிர்வாகத் தோல்விகளுக்கு எதிராக நடைபெற்ற மக்கள் புரட்சியின் போது, பல்லாயிரக்கணக்கான மக்கள் கொல்லப்பட்டனர் மற்றும் 50,000-க்கும் மேற்பட்டோர் ஈரானில் மனித உரிமை ஆர்வலர்கள் அமைப்பின் தரவுகளின்படி கைது செய்யப்பட்டனர். இந்த போராட்டத்தின் போது கைது செய்யப்பட்ட 23 வயது கல்லூரி மாணவி நஜ்மே அமினி, சமூக ஊடகப் பதிவு ஒன்றில் முகமது நபியை அவமதித்ததாகக் கூறப்படும் ‘சப் உல்-நபி’ குற்றச்சாட்டின் கீழ் இஸ்லாமிய தண்டனைச் சட்டத்தின்படி மரண தண்டனைக்கு உள்ளாக்கப்பட்டுள்ளார். மேலும், தேசிய பாதுகாப்புக்கு எதிராகச் செயல்பட்டதாகக் கூறி அவருக்கு 12 ஆண்டுகளுக்கு மேல் சிறைத்தண்டனையும் விதிக்கப்பட்டுள்ளது.

நண்பர்களுடன் இருந்தபோது போதை காளான்களை உட்கொண்டதால் வாய் தவறிப் பேசியதாக மாணவி தரப்பில் மன்னிப்பு கோரப்பட்ட போதிலும், நீதிமன்றம் அதை ஏற்க மறுத்துவிட்டது. ண்டனை சமூக ஊடகப் பதிவுக்காக வழங்கப்பட்டதாகக் கூறப்பட்டாலும், அவர் தொடர்ந்து அரசுக்கு எதிராகக் குரல் கொடுத்து வந்ததே முதன்மைக் காரணம் என்று மனித உரிமை அமைப்புகள் குற்றம் சாட்டுகின்றன. மக்களை அச்சுறுத்தி எதிர்ப்புக் குரல்களை ஒடுக்க ஈரானிய அதிகாரிகள் மரண தண்டனையை ஒரு ஆயுதமாகப் பயன்படுத்தி வருவதாக ஈரான் மனித உரிமைகள் அமைப்பு எச்சரித்துள்ளது. இந்த ஆண்டில் மட்டும் ஈரானில் ஏற்கனவே 600-க்கும் மேற்பட்ட மரண தண்டனைகள் நிறைவேற்றப்பட்டுள்ளன. கருத்துச் சுதந்திரத்தைப் பறிக்கும் இந்த ஈவு இரக்கமற்ற செயலுக்கு எதிராகப் பல்வேறு சர்வதேச நாடுகளும், ஐநா மனித உரிமை அமைப்புகளும் தங்களது கடும் கண்டனங்களையும் ஆழ்ந்த அதிர்ச்சியையும் பதிவு செய்து வருகின்றன.