அடடே.. இது என்ன அதிசயம்..! வயிற்றுக்குள்ள இருந்து உலகத்துக்கு ‘ஹாய்’ சொல்லும் ஆட்டுக்குட்டி… நெட்டிசன்களை உரைய வைத்த வைரல் வீடியோ..!!

சோஷியல் மீடியாவில் பல நேரங்களில் நமது கவனத்தை ஈர்க்கும் வகையில் சில வீடியோக்கள் வெளிவருகின்றன. அதேபோல், அனைவரையும் நெகிழ வைக்கும் ஒரு அற்புதமான காட்சி தற்போது கேமராவில் பதிவாகியுள்ளது. ஒரு கர்ப்பிணி ஆட்டின் வயிற்றின் உள்ளே இருக்கும் குட்டி அசையும் காட்சி வெளியிலிருந்து தெளிவாகத் தெரிகிறது. வெளிப்புறத்தில் அந்த ஆடு பார்ப்பதற்கு சாதாரணமாக இருந்தாலும், அதன் வயிற்றுக்குள் இருக்கும் சிறிய உயிர் தனது சொந்த உலகில் அசைந்து விளையாடிக் கொண்டிருக்கிறது.

வீடியோவில், தாய் ஆட்டின் வயிற்றில் உள்ள குட்டியின் அசைவுகள் தெளிவாகப் புலப்படுகின்றன. சில சமயங்களில் வயிற்றின் ஒரு பகுதி லேசாக மேலே உயர்கிறது, சில சமயங்களில் மற்றொரு பகுதியில் சிறிய அசைவு தெரிகிறது. பிறப்பதற்கு முன்பே அந்த ஆட்டுக்குட்டி உலகிற்கு தனது வருகையை உணர்த்துவது போல இந்த காட்சி அமைந்திருந்தது. பொதுவாக விலங்குகளின் வயிற்றுக்குள் இருக்கும் குட்டியின் அசைவுகளைக் காண்பது எளிதல்ல என்பதால், அங்கு இருந்த நபர் இந்த அதிசயமான நிகழ்வை தனது கேமராவில் பதிவு செய்து கொண்டார்.

https://www.instagram.com/reel/DdtTMofNeFI/?utm_source=ig_web_button_share_sheet

இயற்கையின் இந்த அற்புதத்தைக் கண்டு இணையவாசிகளும், வீடியோவைப் பார்த்த பொதுமக்களும் ஆச்சரியத்திலும் நெகிழ்ச்சியிலும் மூழ்கியுள்ளனர். இன்னும் இந்த உலகிற்குள் காலடி எடுத்து வைக்காத ஒரு சிறிய உயிரின் அசைவு, அனைவரின் முகத்திலும் புன்னகையை வரவழைத்துள்ளது. ஒரு தாய் ஆடு தன் குட்டியை ஈன்றெடுக்கக் காத்திருக்கும் வேளையில், வயிற்றுக்குள் இருக்கும் குட்டி அசைந்து தன் இருப்பைப் பதிவு செய்யும் இந்த மனதைத் தொடும் காட்சி சமூக வலைத்தளங்களில் வைரலாகி வருகிறது.