“வீட்டுக்குள் புகுந்த பேய்?” மாந்தீரிகப் பூஜையில் இரத்த ஆறு.. மனைவியைக் கொன்று, குழந்தையைப் பிணைக் கைதியாகப் பிடித்த சாமியாரின் வெறிச்செயல்..!

உத்தரப் பிரதேச மாநிலம் ஆசம்கரில், குடும்பத்தில் இருந்த பேய் மற்றும் மாந்தீரிக மூடநம்பிக்கை காரணமாக ஏற்பட்ட துப்பாக்கிச் சூடு மற்றும் அதனைத் தொடர்ந்த போலீஸ் என்கவுண்டரில், ஒரு குழந்தை உட்பட மொத்தம் 5 பேர் உயிரிழந்துள்ள கொடூரச் சம்பவம் அரங்கேறியுள்ளது.

மனநிலை பாதிக்கப்பட்ட அரவிந்த் சிங் என்ற நபரின் வீட்டில், அவரது இறந்த மூத்த சகோதரனின் ஆவி இருப்பதாகக் கூறி, அதை விரட்ட மாந்தீரிகப் பூஜை ஏற்பாடு செய்யப்பட்டிருந்தது. அப்போது அங்கு வந்த அரவிந்த் சிங், ஆத்திரமடைந்து தனது துப்பாக்கியால் தனது மனைவி பபிதா சிங் மற்றும் பூஜையை நடத்திக் கொண்டிருந்த இரண்டு புரோகிதர்களையும் சுட்டுக் கொன்றார். இந்த முக்கூட்டுப் படுகொலைக்குப் பிறகு, அவர் தனது மூன்று குழந்தைகளையும் ஒரு அறைக்குள் தள்ளிப் பிணைக் கைதிகளாக சிறைவைத்தார்.

தகவலறிந்து வந்த போலீசார், குழந்தைகளை மீட்க சுமார் 7 மணி நேரம் பேச்சுவார்த்தை நடத்தினர். ஆனால், அரவிந்த் உள்ளிருந்தபடியே தனது ஒரு குழந்தையைச் சுட்டுக் காயப்படுத்தியதால், நள்ளிரவில் கமாண்டோ படை களமிறங்கியது. இருதரப்புக்கும் இடையே நடந்த துப்பாக்கிச் சண்டையில் (என்கவுண்டர்) குற்றவாளி அரவிந்த் சிங் சுட்டுக் கொல்லப்பட்டார்; அவனது துப்பாக்கிச் சூட்டில் படுகாயமடைந்த குழந்தையும் சிகிச்சை பலனின்றி மருத்துவமனையில் உயிரிழந்தது. மற்ற இரு குழந்தைகள் பத்திரமாக மீட்கப்பட்டனர்.