“யார் இந்த பராசக்தி..?” ராட்சத மலைப்பாம்புடன் மாஸாக வாலிபர் செய்த காரியத்தைப் பார்த்து அலறிய பொதுமக்கள்.. வைரலாகும் நடுக்கமூட்டும் வீடியோ..!!

உத்தரகாண்ட் மாநிலம் ஹரித்வாரில் உள்ள கட்கடி பகுதியில், வாலிபர் ஒருவர் தனது கழுத்தில் ராட்சத மலைப்பாம்பை மாலை போல் சுற்றிக்கொண்டு தெம்பாக வீதியில் நடந்து சென்ற அதிரடி வீடியோ சமூக வலைத்தளங்களில் வெளியாகி பெரும் பரபரப்பை ஏற்படுத்தியுள்ளது. கட்கடி ரயில்வே கிராசிங் அருகே எடுக்கப்பட்டதாகக் கூறப்படும் இந்த வீடியோவில், அந்த வாலிபர் ஆபத்தான மலைப்பாம்புடன் சாதாரணமாக நடந்து வருவதைக் கண்டு அதிர்ச்சியடைந்த பொதுமக்கள், அவரைச் சுற்றிலும் பெருங்கூட்டமாகக் கூடி தங்களது அலைபேசிகளில் இந்த விசித்திரக் காட்சியைத் துல்லியமாகப் பதிவு செய்யத் தொடங்கியுள்ளனர்.

இந்த நடுக்கமூட்டும் வீடியோ சமூக வலைத்தளங்களில் அசுர வேகத்தில் பரவி வனத்துறையினரின் கவனத்திற்குச் சென்றதை அடுத்து, அவர்கள் இந்த விவகாரம் குறித்து அதிகாரப்பூர்வமாகத் தீவிர விசாரணையைத் தொடங்கியுள்ளனர். இந்தியாவில் வனவிலங்கு பாதுகாப்புச் சட்டத்தின் கீழ் மலைப்பாம்புகளைப் பிடிப்பதோ அல்லது பொது இடங்களில் காட்சிப்படுத்துவதோ கடுமையான சட்டவிரோதக் குற்றமாகும் என்பதால், வீடியோவில் இருக்கும் அந்த வாலிபர் யார், எதற்காகப் பாம்பைக் கழுத்தில் தூக்கிச் சென்றார் என்ற பல கோணங்களில் வனத்துறையினர் மற்றும் உள்ளூர் போலீஸார் அந்த நபரைத் தீவிரமாக வலைவீசித் தேடி வருகின்றனர்.