கொடூரத்தின் உச்சம்.. கழிவறையில் கேட்ட அழுகுரல்.. துப்புரவு பெண்மணி திறந்த தொட்டிக்குள் காத்திருந்த அதிர்ச்சி… நெஞ்சை உலுக்கும் பின்னணி..!!

தாய்லாந்து நாட்டின் பாங்காக் நகரில் உள்ள ஒரு அலுவலகக் கட்டிடத்தின் கழிவறைத் தொட்டிக்குள், பிறந்து ஒரு நாளே ஆன பச்சிளம் குழந்தை ஒன்று உயிருடன் மீட்கப்பட்ட விசித்திரமான சம்பவம் பெரும் பரபரப்பை ஏற்படுத்தியுள்ளது. அங்கு பணிபுரியும் துப்புரவுப் பெண்மணி ஒருவர் கழிவறையைச் சுத்தம் செய்யும்போது, எங்கிருந்தோ வந்த குழந்தையின் அழுகுரலைக் கேட்டுள்ளார். சத்தம் வந்த திசையை நோக்கிச் சென்று தேடியபோது, கழிவறைத் தொட்டியின் தண்ணீருக்குள் பாதி மூழ்கிய நிலையில் அந்தக் குழந்தை கிடப்பதைக் கண்டு அதிர்ச்சியடைந்தார். நீண்ட நேரம் தண்ணீரில் இருந்ததால், அக்குழந்தையின் கைகள் வெளுத்துப் போய் சுருக்கங்கள் விழுந்து காணப்பட்டன.

இருப்பினும், அனைத்து ஆபத்துகளையும் கடந்து அக்குழந்தை அதிர்ஷ்டவசமாக உயிர் பிழைத்துள்ளது. உடனடியாக மீட்கப்பட்ட குழந்தை மருத்துவமனைக்குக் கொண்டு செல்லப்பட்டது; இவ்வளவு பெரிய கொடுமையைத் தாங்கிய பிறகும், குழந்தைக்கு எந்தவிதமான உடல்நலப் பாதிப்பும் ஏற்படவில்லை என மருத்துவர்கள் தெரிவித்துள்ளனர். இந்த மனிதாபிமானமற்ற செயலைச் செய்து, குழந்தையைக் கைவிட்டுச் சென்ற நபரைக் கண்டுபிடிப்பதற்காக, அங்குள்ள சிசிடிவி காட்சிகளை ஆராய்ந்து போலீசார் தீவிர விசாரணை மேற்கொண்டு வருகின்றனர்.