“ஐயோ… கேட்கும்போதே உடம்பு நடுங்குது.. இன்னும் உடம்புல 30 குண்டுகள் இருக்கு..! ஜந்தர் மந்தரில் நடந்த கொடூரம்… கண்ணீருடன் கதறிய ரிப்போர்ட்டர்..”!!

டெல்லி ஜந்தர் மந்தரில் நடைபெற்ற ‘சலோ சன்சாத்’ பேரணியின்போது ஏற்பட்ட தடியடி மற்றும் மோதலின் போது, ‘அவுட்லுக்’ நிறுவனத்தைச் சேர்ந்த 28 வயதான விளையாட்டுப் பத்திரிகையாளர் ஒருவர் பெல்லட் குண்டுகளால் சுடப்பட்டுப் பலத்த காயமடைந்துள்ளார். தேர்வு வினாத்தாள் கசிவு விவகாரம் தொடர்பாக நடந்த இந்தப் பேரணியில், காவல்துறையினர் கூட்டத்தை நோக்கி நேரடியாகச் சுட்டபோது தப்பியோட முயன்ற அவரது முதுகு மற்றும் கைகளில் 30-க்கும் மேற்பட்ட பெல்லட் குண்டுகள் பாய்ந்துள்ளன. ஜூலை 22 அன்று சஃப்தர்ஜங் மருத்துவமனை வெளியிட்ட மருத்துவ அறிக்கையிலும், அவருக்கு பெல்லட் குண்டுகளால் காயம் ஏற்பட்டுள்ளது உறுதி செய்யப்பட்டுள்ளது.

மருத்துவப் பரிசோதனைகளான சி.டி ஸ்கேன் மற்றும் எக்ஸ்-ரே மூலம் அவரது உடலில் 30-க்கும் மேற்பட்ட சிறு ரவைகள் தங்கியிருப்பது கண்டறியப்பட்ட போதிலும், அவற்றை அறுவை சிகிச்சை மூலம் வெளியே எடுப்பது மேலும் ஆபத்தை விளைவிக்கும் என்பதால் மருத்துவர்கள் குண்டுகளை உடலிலேயே விட்டுவிட்டனர். நல்லவேளையாக இந்தக் குண்டுகள் எலும்புகளுக்கு அருகில் செல்லாததால் அவர் பெரிய ஆபத்திலிருந்து தப்பியுள்ளார். தீவிர வலியிலும், விளையாட்டு மீதான ஆர்வத்தால் வீட்டிலிருந்தபடியே அவர் தனது பணிகளைத் தொடர்ந்து கவனித்து வருகிறார்.

இந்தச் சம்பவத்தில் தனக்கு ஏற்பட்ட காயங்கள் மற்றும் பாதிப்புகளுக்காக மத்திய அரசிடமிருந்து உரிய இழப்பீடு பெற விரும்புவதாகப் பாதிக்கப்பட்ட பத்திரிகையாளர் தெரிவித்துள்ளார். வலி அதிகரிக்கும் போது மாத்திரைகளை உட்கொண்டு வரும் அவர், விரைவில் முழுமையாகக் குணமடைந்து மீண்டும் களத்திற்குச் சென்று செய்திகளைச் சேகரிக்க ஆவலுடன் காத்திருப்பதாகக் கூறியுள்ளார்.