“ஊர்வலத்தோடு ஓடிப்போ.. இல்லனா செத்த..” மணமகனுக்கு வந்த மிரட்ட போன் கால்.. மணமகள் சொன்னஅதிர்ச்சி விளக்கம்.. திருமணத்தில் அரங்கேறிய ட்விஸ்ட்..!!

மணமகன் தனது உறவினர்கள் மற்றும் நண்பர்களுடன் கோலாகலமாகத் திருமண ஊர்வலத்துடன் மணமகளின் கிராமத்திற்கு வந்து சேர்ந்தார். ஆனால், அவர் அங்கு வந்திறங்கிய அடுத்த கணமே அவரது கைபேசிக்கு அடையாளம் தெரியாத ஒரு எண்ணில் இருந்து மிரட்டல் அழைப்பு ஒன்று வந்தது. அந்த அழைப்பில் பேசிய நபர், “உன் ஊர்வலத்தோடு உடனே வீட்டிற்குத் திரும்பிப் போய்விடு, இல்லையென்றால் நீ உயிரோடு திரும்ப மாட்டாய்!” என்று கொடூரமாக மிரட்டியுள்ளார். இந்தத் திடீர் மிரட்டலால் பெரும் பயமும் அதிர்ச்சியும் அடைந்த மணமகன், தனது உயிரைக் காப்பாற்றிக் கொள்வதற்காகத் திருமணத்தையே நிறுத்திவிட்டு, வந்த ஊர்வலத்தோடு உடனடியாகத் தனது வீட்டிற்குத் தப்பி ஓடிவிட்டார்.

இந்த விசித்திரச் சம்பவத்திற்குப் பிறகு அதிர்ச்சியடைந்த மணமகள் தரப்போ, “எங்களுக்கு மிரட்டல் விடுத்த அந்தப் பையன் யாரென்றே தெரியாது; அவனுக்கும் எங்களுக்கும் எந்தத் தொடர்பும் இல்லை” என்று மறுப்புத் தெரிவித்துள்ளனர். மேலும் அந்தப் பெண், “எங்கள் குடும்பத்தினர் யாரைத் தேர்ந்தெடுத்து, எங்குத் திருமணம் செய்யச் சொல்கிறார்களோ, அங்கு நான் மறுப்பு ஏதுமின்றித் திருமணம் செய்து கொள்வேன்” என்று கூறியுள்ளார். ஆனால், இங்கு எழும் முக்கியமான கேள்வி என்னவென்றால், மணமகள் தரப்பிற்கு அந்தப் பையனைத் தெரியாது என்றால், புது ஊருக்குள் நுழைந்த மணமகனின் கைபேசி எண் அந்த மர்ம நபருக்கு எப்படி கிடைத்தது என்பதுதான். இதன் பின்னணியில் மணமகளின் ரகசியக் காதலன் யாராவது இருக்கலாம் அல்லது குடும்பத்திற்குத் தெரிந்தவர்களே இந்தச் சதியில் ஈடுபட்டிருக்கலாம் என்று சந்தேகிக்கப்படுகிறது.