“முதல்வர் விஜயின் பக்கத்திலேயே குற்றவாளி.. போலீஸ் என்ன செய்கிறது..?” ஆர்.எஸ். பாரதி வெடிக்க வைத்த வெடிகுண்டு.. பரபரப்பில் அரசியல் களம் ..!!

தமிழக முதலமைச்சர் சி. ஜோசப் விஜய்க்குத் தாராபுரம் இடைத்தேர்தல் பரப்புரையின் போது மாட்டுவண்டி ஓட்டியவர் பொட்டிக்காம்பாளையம் பகுதியைச் சேர்ந்த அசோக் ஆவார். இந்த விவகாரம் தொடர்பாகச் சென்னை செய்தியாளர்கள் சந்திப்பில் பேசிய திமுக அமைப்புச் செயலாளர் ஆர்.எஸ். பாரதி, முதலமைச்சர் விஜய்க்கு மாட்டுவண்டி ஓட்டிய அசோக் என்பவர் மீது எஃப்.ஐ.ஆர் பதிவு செய்யப்பட்டு, காவல்துறையால் தேடப்பட்டு வரும் குற்றவாளி எனக் கடுமையான குற்றச்சாட்டுகளை முன்வைத்துள்ளார். பொட்டிக்காம்பாளையம் பகுதியில் தவெக வேட்பாளர் சத்யபாமாவுக்கு எதிராகக் குரல் கொடுத்ததற்காகத் தவெகவினராலேயே இவர் மீது காவல் நிலையத்தில் புகார் அளிக்கப்பட்டதாக அவர் குறிப்பிட்டுள்ளார்.

மேலும் தனது பேட்டியில், தவெக தலைவர் மற்றும் முதலமைச்சர் விஜயின் கட்டுப்பாட்டில் உள்ள காவல்துறையால் தேடப்படும் ஒரு நபர், பொது வெளியில் முதலமைச்சரின் அருகிலேயே அமர்ந்து மாட்டுவண்டி ஓட்டுகிறார் என்றால் காவல்துறை என்ன செய்து கொண்டிருக்கிறது என ஆர்.எஸ். பாரதி கேள்வி எழுப்பியுள்ளார். துணை முதலமைச்சர் உதயநிதி ஸ்டாலின் மீது சற்றும் தாமதிக்காமல் உடனடியாக வழக்குப் போடும் காவல்துறை, முதலமைச்சர் தொடர்புடைய இந்த விவகாரத்தில் சட்டப்பூர்வ நடவடிக்கை எடுக்க ஏன் பயப்படுகிறது என்றும் அவர் சாடியுள்ளார். தவெகவினரால் மிரட்டப்பட்டு கட்சியில் இணைக்க முயன்றதாகக் கூறப்படும் ஒரு தலைமறைவு நபருடன் முதலமைச்சர் பயணித்தது தான் தூய்மையான ஆட்சியா என்றும் திமுக அமைப்புச் செயலாளர் ஆர்.எஸ். பாரதி விமர்சித்துள்ளார்