“நாங்க டூருக்கு தான் வந்தோம்…” ஹோட்டல் வாசலில் கள்ளக்காதலனுடன் மாட்டிய மனைவி.. கணவன் செய்த அலப்பறையே பாருங்க.. பெரும் பரபரப்பு சம்பவம்..!!

உத்தரப் பிரதேச மாநிலம் பிஜ்னோர் மாவட்டத்தின் சாந்த்பூர் பகுதியில், விடுதி ஒன்றிலிருந்து மற்றொரு இளைஞருடன் வெளியே வந்த மனைவியைக் கண்ட கணவர் நடுரோட்டில் பயங்கர ரகளையில் ஈடுபட்ட சம்பவம் பெரும் பரபரப்பை ஏற்படுத்தியுள்ளது. சாந்த்பூரில் உள்ள ‘பஞ்சவதி’ ஹோட்டலில் நொய்டாவைச் சேர்ந்த அர்பன் நஹிவால் என்ற இளைஞருடன், அலினா என்ற பெண் தங்கியிருந்துள்ளார். அலினாவின் கணவரான ஷோயப்பிற்கு நீண்ட நாட்களாகவே தன் மனைவி மீது சந்தேகம் இருந்து வந்ததால், அவரும் அதே ஹோட்டலுக்கு வந்து மறைந்திருந்துள்ளார். மனைவியும் அந்த இளைஞரும் விடுதியிலிருந்து வெளியேறிய கணமே, அவர்களை வழிமறித்து ஷோயப் ஆத்திரத்துடன் சண்டையிடத் தொடங்கியதால் அங்கு நூற்றுக்கணக்கான மக்கள் கூடினர்.

இந்த பொது இடத்துத் தகராறின் போது, தன் மனைவி பணத்திற்காகத் தவறான தொழிலில் ஈடுபட்டு வருவதாக ஷோயப் பகிரங்கமாகக் கடுமையான குற்றச்சாட்டுகளை முன்வைத்தார். வாக்குவாதம் கைகலப்பாக மாறும் சூழ்நிலை உருவானதால், அங்கிருந்த உள்ளூர்வாசிகள் உடனடியாக காவல்துறைக்குத் தகவல் கொடுத்தனர். சம்பவ இடத்திற்கு விரைந்து வந்த போலீஸார் நிலைமையைக் கட்டுக்குள் கொண்டுவந்து, கணவர் ஷோயப், மனைவி அலினா மற்றும் அவருடன் வந்த இளைஞர் அர்பன் ஆகிய மூவரையும் விசாரணைக்காகக் காவல் நிலையத்திற்கு அழைத்துச் சென்றனர்.

காவல் நிலையத்தில் நடைபெற்ற விசாரணையின் போது அலினா தன் கணவரின் குற்றச்சாட்டுகளை முற்றிலும் மறுத்தார். அர்பன் நஹிவால் தனது சாதாரண நண்பர் என்றும், தாங்கள் இருவரும் வெறும் சுற்றுலாவுக்காக மட்டுமே சாந்த்பூர் வந்ததாகவும் அவர் கூறினார். எனினும், கணவர் ஷோயப் தன் புகாரில் உறுதியாக உள்ளார். அவர்கள் இருவரும் எப்போது விடுதிக்கு வந்தார்கள், அங்கு தங்கியிருந்ததன் பின்னணி என்ன என்பதை அறிய ஹோட்டல் பதிவேடுகள் மற்றும் சிசிடிவி காட்சிகளை ஆராய்ந்து போலீஸார் தீவிர விசாரணை நடத்தி வருகின்றனர்.