“அதிகாலையில் நேர்ந்த மர்மம்..” திடீரென காணாமல் போன இளம்பெண்… 6:30 மணிக்கு மேல் நடந்தது என்ன..? கதறும் தந்தை..!!

தெலங்கானா மாநிலம் ஹைதராபாத்தின் பொயினபள்ளி காவல் நிலைய எல்லைக்குட்பட்ட சின்னதொகட்டா பகுதியைச் சேர்ந்த தொட்லா லதா என்ற இளம் பெண் மர்மமான முறையில் காணாமல் போன சம்பவம் அப்பகுதியில் பரபரப்பை ஏற்படுத்தியுள்ளது. கடந்த அக்டோபர் 25ஆம் தேதி காலை 6:00 மணி முதல் 6:30 மணிக்குள், வீட்டில் இருந்த லதா யாரிடமும் சொல்லாமல் திடீரென வெளியே சென்றுள்ளார். அவர் நீண்ட நேரமாகியும் வீடு திரும்பாததால் அதிர்ச்சியடைந்த குடும்பத்தினர், நண்பர்கள், உறவினர்கள் மற்றும் அக்கம் பக்கத்தினர் எனப் பல இடங்களில் தேடியும் அவரைப் பற்றிய எந்தவொரு தகவலும் கிடைக்கவில்லை.

இதனைத் தொடர்ந்து, இளம் பெண்ணின் தந்தை தொட்லா சைலு பொயினபள்ளி காவல் நிலையத்தில் தனது மகள் காணாமல் போனது குறித்து முறையான புகார் ஒன்றை அளித்துள்ளார். லதாவின் தந்தை அளித்த புகாரின் அடிப்படையில் போலீஸார் வழக்குப் பதிவு செய்து தீவிர விசாரணையைத் தொடங்கியுள்ளனர். காணாமல் போன இளம் பெண்ணைக் கண்டுபிடிப்பதற்காக அப்பகுதியில் உள்ள சிசிடிவி காட்சிகளை ஆய்வு செய்து வருவதாகவும், லதா குறித்து ஏதேனும் தகவல் கிடைத்தால் உடனடியாகத் தெரிவிக்குமாறும் பொயினபள்ளி சப்-இன்ஸ்பெக்டர் சிவசங்கர் தெரிவித்துள்ளார்.