“ஒரு சாக்லேட்டுக்காக இப்படியா..?” மொட்டை மாடிக்கு அழைத்து சென்று.. 4 வயது சிறுவனை கொடூரமாகப் பழிவாங்கிய 12 வயது சிறுமி.. உலுக்கும் நிஜ பின்னணி..!!

அரியானா மாநிலம் பஞ்ச்குலாவில் உள்ள அரசுப் பள்ளியில் 8 வயது சிறுவன், 6 வயது சிறுமியை வகுப்பறைக்குள் கொடூரமாகத் தாக்கிய சம்பவம் நாடு முழுவதும் பெரும் அதிர்வலைகளை ஏற்படுத்தியுள்ளது. இருப்பினும், இதற்குச் சரியாக இரண்டு நாட்களுக்கு முன்பு மத்தியப் பிரதேசத்தின் மாண்ட்சூர் மாவட்டத்தில் 12 வயது சிறுமி செய்த மற்றொரு கொடூரக் குற்றம் சமூகத்தில் பெரிய அளவில் பேசப்படாமல் மறைக்கப்பட்டுள்ளது.

அந்தச் சம்பவத்தில், 4 வயது சிறுவனிடமிருந்து சாக்லேட்டைப் பறித்ததற்காக அச்சிறுவனின் தாய் அந்த 12 வயது சிறுமியைத் திட்டியுள்ளார். இந்த ஆத்திரத்தை மனதில் வைத்துப் பழிவாங்கக் காத்திருந்த அச்சிறுமி, அக்டோபர் 28 அன்று அந்தச் சிறுவனைத் தனது வீட்டின் மொட்டை மாடிக்கு அழைத்துச் சென்று தண்ணீர் தொட்டிக்குள் தள்ளி, அதன் மேல் ஒரு கனமான கல்லை வைத்து மூடிப் படுகொலை செய்துள்ளார். குற்றவாளி ஒரு சிறுமி என்பதால் இந்தச் சம்பவம் பெரிய விவாதப் பொருளாக மாற்றப்படவில்லை என்பதும், குற்றவாளிகளின் பாலினத்தைப் பொறுத்துச் சமூகத்தின் பார்வையும் ஊடகங்களின் கவனமும் மாறுபடுவதையும் இந்த இரு நிகழ்வுகளும் வெளிச்சமிட்டுக் காட்டுகின்றன.