“மரணத்தின் பிடியில் மிராக்கிள்” நேபாள வெள்ளத்தில் மீட்கப்பட்ட 45 நாள் குழந்தை… பெற்றோர் நிலை என்ன..? – உருக வைக்கும் வைரல் செய்தி..!!

நேபாளத்தின் ரசுவா பகுதியில் ஏற்பட்ட கடுமையான வெள்ளப் பெருக்கிற்கு இடையே, 45 நாட்களே ஆன பச்சிளம் குழந்தை உயிருடன் மீட்கப்பட்ட சம்பவம் உலக அளவில் நெகிழ்ச்சியை ஏற்படுத்தியுள்ளது. தீவிர மீட்புப் பணியில் ஈடுபட்ட நேபாள ராணுவத்தினர் மற்றும் மீட்புக் குழுவினர், ரசுவா பகுதியில் உள்ள ‘டாங்கே’ நிவாரண முகாமிற்கு இந்தக் குழந்தையைப் பத்திரமாக கொண்டு வந்து சேர்த்துள்ளனர். பேரழிவிற்கு மத்தியில் இந்தச் சிறிய குழந்தையின் மீட்பு, அங்குள்ள மக்களுக்கு ஒரு பெரிய நம்பிக்கையைத் தந்துள்ளது.

இந்தக் குழந்தையின் பெற்றோர் உயிர் பிழைத்தார்களா மற்றும் குழந்தையுடன் இணைந்தார்களா என்பது குறித்த அதிகாரப்பூர்வமான தகவல்கள் இன்னும் முழுமையாக வெளியாகவில்லை. வெள்ள பாதிப்பிற்குப் பிறகு குழந்தை தற்போது பாதுகாப்பான இடத்தில் நலமுடன் இருப்பதாகவும், குழந்தையின் குடும்பத்தைக் கண்டறியும் முயற்சிகளில் மீட்புக் குழுவினரும் உள்ளூர் அதிகாரிகளும் தீவிரமாக ஈடுபட்டுள்ளதாகவும் முதற்கட்டத் தகவல்கள் தெரிவிக்கின்றன