உயிரை உருக்கும் காதல்… ராஜ்ஜைப் பிரிந்து ஒரு நிமிடம் கூட என்னால் இருக்க முடியாது: சமந்தாவின் கண்ணீர் மல்கிய வாக்குமூலம்..!”

சமந்தா மற்றும் ராஜ் நிடிமோருவின் திருமணம் 2025 டிசம்பரில் கோயம்புத்தூரில் உள்ள ஈஷா யோகா மையத்தில் நடைபெற்றது. சமீபத்திய நேர்காணல் ஒன்றில் சமந்தா பேசுகையில், தங்களை ஒரு “எரிச்சலூட்டும் ஜோடி” (irritating couple) என்று நகைச்சுவையாகக் குறிப்பிட்டுள்ளார். ஏனெனில் அவர்கள் வேலை, உடற்பயிற்சி மற்றும் பயணம் எனப் பகல் முழுவதும் எப்போதும் ஒன்றாகவே நேரத்தைச் செலவிடுவதாகத் தெரிவித்துள்ளார். ராஜ்ஜை விட்டு ஒரு நாள் பிரிந்திருப்பது கூட தமக்கு மிகவும் கடினமாக இருப்பதாகவும் அவர் நெகிழ்ச்சியுடன் பகிர்ந்துள்ளார்

தமது நடிப்புத் திறன் மேம்பட ராஜ் முக்கியக் காரணமாக இருப்பதாக சமந்தா புகழாரம் சூட்டியுள்ளார். ‘தி ஃபேமிலி மேன் 2’ மற்றும் ‘சிட்டாடெல்: ஹனி பன்னி’ போன்ற தொடர்களில் அவருடன் பணியாற்றிய அனுபவத்தைக் குறிப்பிட்டு, மார்ட்டின் ஸ்கோர்செஸி – லியோனார்டோ டிகாப்ரியோ கூட்டணியைப் போல, ராஜ்ஜின் இயக்கத்தில் நடிக்கும்போது தன்னால் உணர்ச்சிகளை இன்னும் ஆழமாக வெளிப்படுத்த முடிவதாகக் கூறியுள்ளார். அவர் மீதுள்ள அதீத நம்பிக்கை, ஒரு நடிகையாகத் தன்னை அடுத்த கட்டத்திற்கு நகர்த்த உதவுவதாகவும் அவர் குறிப்பிட்டுள்ளார்.

ராஜ் உடனான இந்தத் திருமண பந்தம் தன்னை ஒரு சிறந்த மனிதராக மாற்றியுள்ளதாக சமந்தா உணர்கிறார். முன்பை விட இப்போது மிகவும் நிதானமாகவும் (grounded), யதார்த்தமாகவும் இருப்பதை அவர் சுட்டிக்காட்டியுள்ளார். அன்பையும் நட்பையும் முழுமையாக ஏற்றுக்கொண்டது தன் வாழ்வில் ஒரு பெரிய மாற்றத்தைக் கொண்டு வந்திருப்பதாகவும், தங்களுக்குள் இருக்கும் இந்த ஆழமான பிணைப்பு வெறும் “தேனிலவு காலம்” (honeymoon phase) போன்ற தற்காலிகமான ஒன்று அல்ல, அது ஒரு நிலையான புரிதல் என்றும் அவர் மகிழ்ச்சியுடன் தெரிவித்துள்ளார்.