கார் ஓட்டும்போது விஜய் மது அருந்தினாரா?….உங்கள் போட்டோஷாப்புக்கு அளவே இல்லையா?…50 பைசா பிளாஸ்டிக் கிளாஸும், விஜய் காரும்… நெட்டிசன்களின் போட்டோஷாப் வேலையைக் கிழித்துத் தொங்கவிட்ட பத்திரிகையாளர்…!

தமிழக முதலமைச்சரும் தமிழக வெற்றிக் கழகத்தின் தலைவருமான விஜய், அண்மையில் கர்நாடக மாநிலத்தில் உள்ள புகழ்பெற்ற கொல்லூர் மூகாம்பிகை கோயிலுக்குச் சென்றிருந்தார். அப்போது அவரே காரைச் சொந்தமாக ஓட்டிச் சென்ற வீடியோக்கள் மற்றும் புகைப்படங்கள் இணையத்தில் வைரலாகின. ஆனால், அதற்குள் ஒரு குறிப்பிட்ட தரப்பினர், விஜய் கார் ஓட்டும்போது அவருக்கு அருகில் மதுக் கிளாஸ் இருந்தது போன்ற ஒரு புகைப்படத்தைப் பரப்பி, அவர் மது அருந்திக்கொண்டே கார் ஓட்டினார் என்ற சர்ச்சையைக் கிளப்பினர். முதலமைச்சர் பதவியில் இருக்கும் ஒருவரைப் பற்றி இத்தகைய செய்தி பரவியது சமூக வலைதளங்களில் பெரும் விவாதத்தை ஏற்படுத்தியது.

இந்நிலையில், இந்த அவதூறுப் பரப்புரைகளுக்கு முற்றுப்புள்ளி வைக்கும் வகையில் மூத்த பத்திரிகையாளர் வி.கே.சுந்தர் தனது முகநூல் பக்கத்தில் விரிவான விளக்கப் பதிவு ஒன்றை வெளியிட்டுள்ளார். அதில், வைரலாகும் அந்தப் புகைப்படம் முற்றிலும் ‘போட்டோஷாப்’ (Photoshop) செய்யப்பட்ட போலிப் படம் என்பதை அவர் சுட்டிக்காட்டியுள்ளார். மேலும், “ஹை-எண்ட் கார்களில் கப் ஹோல்டர்கள் எங்கு இருக்கும் என்று கூடத் தெரியாத போட்டோஷாப் பார்ட்டிகள், ஒரு சாதாரண 50 பைசா பிளாஸ்டிக் கிளாசில் மது இருப்பது போல் எடிட் செய்து மகிழ்கிறார்கள். பொது வாழ்க்கைக்கு வந்து, ஒரு மாநிலத்தின் முதலமைச்சராக இருக்கும் விஜய், பொதுவெளியில் இப்படிச் செய்வார் என்று கற்பனை செய்வதே முட்டாள்தனம்” என்று அவர் சாடியுள்ளார்.

மேலும் விஜய்யின் நிஜமான ஒழுக்கத்திற்குச் சான்றாக, 28 ஆண்டுகளுக்கு முன்பு நடந்த ஒரு சுவாரசியமான சம்பவத்தையும் அவர் பகிர்ந்துள்ளார். விஜய் திரையுலகில் உச்சம் தொட்ட ‘பூவே உனக்காக’ திரைப்படத்தின் 100-வது நாள் வெற்றிக் கொண்டாட்டத்தின் போது, இயக்குநர் விக்ரமன் உள்ளிட்ட பலரும் வற்புறுத்தியும் கூட விஜய் பியர் (Beer) அருந்த மறுத்துவிட்டதை வி.கே.சுந்தர் நினைவு கூர்ந்துள்ளார். அன்று ஒரே ஒரு பத்திரிகையாளர் முன்னிலையிலேயே தனது நற்பெயரைக் காப்பதில் அவ்வளவு கவனமாக இருந்த விஜய், இன்று ஒரு மாநிலத்தின் முதலமைச்சராக இருக்கும் போது இத்தகைய காரியங்களைச் செய்வாரா? உங்கள் போட்டோஷாப் வேலைகளுக்கு ஒரு அளவே இல்லையா? என்று காரசாரமாகக் கேள்வி எழுப்பி, இந்த வதந்திகளுக்கு அவர் முற்றுப்புள்ளி வைத்துள்ளார்.