பழைய நட்பை மறக்காத ரஜினி தயாரிப்பாளர் பி.எல். தேனப்பனுக்குத் தங்கச் சங்கிலி பரிசு..! இணையத்தில் குவியும் பாராட்டு …!

திரையுலகில் தனக்கு உதவியவர்களை என்றும் மறக்காதவர் சூப்பர் ஸ்டார் ரஜினிகாந்த். அந்த வகையில், நீண்ட காலமாகத் தனது நண்பராகவும், நலம் விரும்பியாகவும் இருக்கும் பிரபல தயாரிப்பாளர் பி.எல். தேனப்பனை நேரில் சந்தித்து நெகிழ்ச்சியை ஏற்படுத்தியுள்ளார். தேனப்பன் பல வெற்றிப் படங்களைத் தயாரித்தது மட்டுமின்றி, ரஜினிகாந்தின் திரைப்பயணத்திலும் ஒரு முக்கிய அங்கமாகத் திகழ்ந்து வருபவர்.

சமீபத்தில் நடைபெற்ற இந்தச் சந்திப்பின் போது, பி.எல். தேனப்பனின் நீண்ட கால நட்பையும் உழைப்பையும் பாராட்டும் விதமாக ரஜினிகாந்த் அவருக்கு ஒரு விலை உயர்ந்த தங்கச் சங்கிலியைப் பரிசாக வழங்கினார். எதிர்பாராத இந்த இன்ப அதிர்ச்சியால் தேனப்பன் நெகிழ்ந்து போனார். ரஜினிகாந்த் தனது கையாலேயே அந்தச் சங்கிலியை அவருக்கு அணிவித்துத் தனது அன்பை வெளிப்படுத்தினார்.

தற்போது லோகேஷ் கனகராஜ் இயக்கத்தில் ‘கூலி’ படத்தில் நடித்து வரும் ரஜினிகாந்த், தனது பிஸியான படப்பிடிப்பு பணிகளுக்கு மத்தியிலும் பழைய நண்பர்களைச் சந்தித்து கௌரவித்து வருவது சினிமா வட்டாரத்தில் நெகிழ்ச்சியை ஏற்படுத்தியுள்ளது. ரஜினிகாந்தின் இந்த மனிதநேயம் மற்றும் பெருந்தன்மையான செயல் குறித்த புகைப்படங்கள் தற்போது சமூக வலைதளங்களில் வைரலாகி ரசிகர்களின் பாராட்டுகளைப் பெற்று வருகிறது