சினிமாவின் உச்சத்தில் இருந்த நடிகைக்கு நேர்ந்த விபரீதம்…கல்யாணமான 11-வது நாளில் நேர்ந்த கொடூரம்…ராசியில்லாதவள்…” – பழிச்சொற்களுக்கு ஆளான முன்னணி பாலிவுட் நடிகை… நிஜ வாழ்க்கையில் இத்தனை சோகங்களா?…

70 மற்றும் 80-களில் பாலிவுட் திரையுலகில் முன்னணி நட்சத்திரமாக வலம் வந்தவர் நடிகை லீனா சந்தவார்கர். கர்நாடகாவில் ஒரு ராணுவ வீரரின் குடும்பத்தில் பிறந்த இவர், கடந்த 1968-ஆம் ஆண்டு வெளியான ‘மா கா மீத்’ திரைப்படத்தின் மூலம் சினிமா உலகில் கால்பதித்தார். தனது சுட்டித்தனமான நடிப்பாலும் அழகாலும் ரசிகர்களைக் கவர்ந்த லீனா, அப்போதைய முன்னணி சூப்பர் ஸ்டார்களான திலீப் குமார், ராஜேஷ் கண்ணா, வினோத் கண்ணா ஆகியோருடன் ஜோடி சேர்ந்து நடித்து பாலிவுட்டின் உச்ச நட்சத்திரமாக உயர்ந்தார்.

சினிமாவில் புகழின் உச்சத்தில் இருந்தபோது, கோவாவின் முதல் முதலமைச்சரான பந்தோட்கரின் மகன் சித்தார்த் என்பவருடன் லீனாவிற்கு காதல் மலர்ந்தது. அப்போது 24 வயதே நிரம்பியிருந்த லீனா, பெற்றோரின் சம்மதத்துடன் சித்தார்த்தை திருமணம் செய்துகொண்டு பல கனவுகளுடன் தனது புதிய வாழ்க்கையைத் தொடங்கினார். ஆனால், விதி அவருக்கு மிகப்பெரிய சோகத்தைப் பரிசளித்தது. திருமணமான 11-வது நாளே, துப்பாக்கியைச் சுத்தம் செய்துகொண்டிருந்தபோது எதிர்பாராதவிதமாக அது வெடித்து சித்தார்த் சம்பவ இடத்திலேயே உயிரிழந்தார். இந்த கோர விபத்தால் நிலைகுலைந்த லீனா தன் தாய் வீட்டிற்குத் திரும்பிய நிலையில், சமூகம் அவரை ‘ராசியில்லாதவர்’ எனப் பழிச்சொற்களால் வாட்டி வதைத்தது.

இந்த மீளாத் துயரத்திலிருந்து விடுபட மீண்டும் சினிமா உலகிற்குத் திரும்பிய லீனாவிற்கு, அவர் நடித்த ‘பைராக்’ திரைப்படம் மிகப்பெரிய தோல்வியைத் தந்து ஏமாற்றமளித்தது. அந்த இக்கட்டான காலகட்டத்தில், பிரபல பாடகரும் நடிகருமான கிஷோர் குமாருடன் லீனாவிற்குப் பழக்கம் ஏற்பட்டது. கிஷோர் குமார் லீனாவை விட 20 வயது மூத்தவர் என்பதோடு, ஏற்கனவே 3 முறை விவாகரத்து ஆனவர் என்பதால் லீனாவின் குடும்பத்தினர் இந்தத் திருமணத்திற்கு கடும் எதிர்ப்பு தெரிவித்தனர். எனினும், அனைத்தையும் எதிர்த்து இருவரும் திருமணம் செய்துகொண்டனர். ஆனால், துரதிர்ஷ்டவசமாக திருமணமான 7 ஆண்டுகளில் கிஷோர் குமாரும் மாரடைப்பால் மரணமடைந்தார். திரையில் கோடிக்கணக்கான ரசிகர்களை மகிழ்வித்த ஒரு முன்னணி நடிகையின் நிஜ வாழ்க்கை, இப்படி அடுத்தடுத்த மரணங்களால் பெரும் சோகக் கதையாக மாறியது திரையுலகினரைக் கலங்கச் செய்கிறது.