“விஜய் அண்ணா ஜெயிச்சிட்டாரு, எனக்கு லீவ் வேணும்!” – வெற்றிமாறனிடம் அடம் பிடித்த சிம்பு…!கணிப்புகளை தவிடுபொடியாக்கிய விஜய் அண்ணா ! 108 தொகுதிகளில் வென்று தவெக அமைச்சரவையில் நடத்திய ‘புரட்சி’…!

நடந்து முடிந்த 2026 தமிழ்நாடு சட்டப்பேரவைத் தேர்தலில், அனைத்து அரசியல் கணிப்புகளையும் தவிடுபொடியாக்கி, 108 தொகுதிகளில் மாபெரும் வெற்றி பெற்று முதலமைச்சராகப் பதவியேற்றுள்ளார் தமிழக வெற்றிக் கழகத் தலைவர் விஜய். திமுகதான் மீண்டும் ஆட்சியைப் பிடிக்கும் என்றும், விஜய்யால் இரட்டை இலக்க இடங்களைக் கூடத் தாண்ட முடியாது என்றும் கூறப்பட்ட விமர்சனங்களை அடித்து நொறுக்கி, கூட்டணிக் கட்சிகளின் ஆதரவோடு அவர் ஆட்சிக் கட்டிலில் அமர்ந்துள்ளார். இந்நிலையில், நேற்று நடந்த அவரது புதிய அமைச்சரவை விரிவாக்கம் ஒட்டுமொத்த தமிழக அரசியலையும் உற்றுநோக்க வைத்துள்ளது.

இத்தனை ஆண்டு காலத் தமிழக அரசியல் வரலாற்றில் ‘அதிகாரத்தில் பங்கு’ என்பது சாத்தியமில்லாத ஒன்றாகவே பார்க்கப்பட்டு வந்தது. ஆனால், அதனை உடைத்தெறியும் விதமாக விஜய் தனது தவெக அமைச்சரவையில் விசிக, காங்கிரஸ், இந்திய யூனியன் முஸ்லீம் லீக் ஆகிய கூட்டணிக் கட்சிகளுக்குப் பங்களிப்பு வழங்கி வரலாற்றுச் சாதனை படைத்துள்ளார். இந்த அமைச்சரவையில் மொத்தம் ஏழு தலித்துகளும், நான்கு பெண்களும் அமைச்சர்களாகப் பொறுப்பேற்றுள்ளனர். பல தசாப்த காலப் பழைய நடைமுறையை உடைத்து, சமூக நீதியை நிலைநாட்டியுள்ள விஜய்யின் இந்த அதிரடி முடிவுக்கு அரசியல் தளத்தில் பாராட்டுகள் குவிந்து வருகின்றன.

எம்.ஜி.ஆர், ஜெயலலிதா ஆகிய ஆளுமைகளுக்குப் பிறகு, தங்கள் திரைத்துறையிலிருந்து ஒருவர் மாநிலத்தின் மிக உயரிய முதலமைச்சர் நாற்காலியை அலங்கரிப்பதைக் கண்டு ஒட்டுமொத்த கோலிவுட்டும் உச்சக்கட்ட மகிழ்ச்சியில் திளைத்துள்ளது. தேர்தலுக்கு முன்பு விஜய்யை மிகக் கடுமையாக விமர்சித்து வந்த கருணாஸ், நாசர் உள்ளிட்டோர் தற்போது நேரில் சென்று வாழ்த்து தெரிவித்துள்ளனர். மேலும், இயக்குநர்கள் வெங்கட் பிரபு, விக்ரமன் மற்றும் நடிகர் சிபிராஜ் எனப் பலரும் புதிய முதலமைச்சர் விஜய்யைச் சந்தித்துத் தங்களது பூரிப்பைப் பகிர்ந்து கொண்டுள்ளனர்.

இதற்கிடையே, ‘விஜய் அண்ணனின்’ இந்த வரலாற்று வெற்றியை வித்யாசமாகக் கொண்டாட நடிகர் சிலம்பரசன் (STR) ஒரு அதிரடி பிளானை கையில் எடுத்துள்ளதாகத் தகவல் வெளியாகியுள்ளது. வெற்றிமாறன் இயக்கத்தில், விஜய் சேதுபதியுடன் இணைந்து சிம்பு நடித்து வரும் ‘அரசன்’ படப்பிடிப்பு விறுவிறுப்பாக நடந்து வரும் நிலையில், “அண்ணனின் வெற்றியை செலிபிரேட் செய்ய வேண்டும்” என்று கூறி வெற்றிமாறனிடம் நேரடியாகவே அனுமதி கேட்டு படப்பிடிப்பிலிருந்து பிரேக் எடுத்துள்ளாராம் சிம்பு. வேல்ஸ் நிறுவனப் பஞ்சாயத்துகள் முடிந்து ‘அரசன்’ ஷூட்டிங் மீண்டும் சூடுபிடித்துள்ள நிலையில், சிம்பு விரைவில் முதலமைச்சர் விஜய்யை நேரில் சந்தித்து வாழ்த்து பெறவுள்ளார் என்ற செய்தி சமூக வலைத்தளங்களில் வைரலாகி வருகிறது.