“பாலிவுட் நடிகைகளுக்கே டஃப் கொடுப்பாங்க போல.. நெட்டிசன்களை உருகவைத்த சிறுமிகளின் மாஸ் டான்ஸ்.. இணையத்தை கலக்கும் கியூட் வீடியோ”..!!

அருணாச்சலப் பிரதேசத்தின் லாங்டிங் மாவட்டத்தைச் சேர்ந்த வான்சோஸ் சமூகத்தைச் சேர்ந்த மூன்று சிறுமிகள், ‘பதி பத்னி அவுர் வோ’ திரைப்படத்தின் ‘அக்கியான் மேரி பூச் ரஹி ஹை’ என்ற பிரபல பாலிவுட் பாடலுக்குப் பாடி நடனமாடும் காணொளி சமூக ஊடகங்களில் வைரலாகி வருகிறது. பசுமையான பள்ளத்தாக்குகளின் பின்னணியில், இந்தச் சிறுமிகள் எவ்வித தயக்கமுமின்றி மிகுந்த நம்பிக்கையுடன் தங்களின் திறமையை வெளிப்படுத்தியுள்ளனர். குறிப்பாக, இதில் இருக்கும் மிக இளைய சிறுமியின் அழகான முகபாவனைகளும் அப்பாவித்தனமான ஸ்டைலும் இணையவாசிகளின் இதயங்களை வெகுவாகக் கவர்ந்து, பார்ப்பவர்களின் முகத்தில் புன்னகையை வரவழைத்துள்ளது.

https://www.instagram.com/reel/DaYTIypsmu7/?utm_source=ig_embed&ig_rid=AlJZgp34Q4wJRe3tfEUx0Bo

இன்ஸ்டாகிராமி ல் பகிரப்பட்ட இக்காணொளிக்கு, சமூக வலைத்தளங்களில் மக்கள் தங்களின் பாராட்டுகளையும் அன்பையும் வாரி வழங்கி வருகின்றனர். “வடகிழக்கு மாநிலங்கள் திறமைகளால் நிரம்பியுள்ளன” என்றும், இந்தச் சிறுமிகளின் நடனம் தங்களின் நாளை மிகவும் இனிமையாக்கியுள்ளதாகவும் பயனர்கள் கருத்து தெரிவித்து வருகின்றனர். வயது ஒரு தடையல்ல என்பதை நிரூபிக்கும் வகையில் அமைந்துள்ள இந்தச் சின்னஞ்சிறு நட்சத்திரங்களின் உற்சாகமான ஆற்றலும் இயல்பான திறமையும், இணையத்தில் பலருக்கும் உத்வேகம் அளிக்கும் ஒரு மகிழ்ச்சியான காணொளியாக மாறியுள்ளது.