“ஹோட்டல் புக் பண்ணா தப்பா?”… பாகிஸ்தான் மருமகளான.. கனேடிய பெண்ணின் வைரல் வீடியோ..!!

கனடாவைச் சேர்ந்த பிரபல சமூக ஊடகக் கலைஞர் கேசி, ஒரு பாகிஸ்தானிய இளைஞரைத் திருமணம் செய்து கொண்டுள்ளார். திருமணத்திற்குப் பிறகு தனது கணவரின் வீட்டிற்குச் சென்ற கேசிக்கு, அங்கிருந்த தெற்காசிய கலாச்சாரம் மற்றும் குடும்ப மரபுகள் மிகப்பெரிய ‘கலாச்சார அதிர்ச்சியை’ ஏற்படுத்தியுள்ளன. இந்த சுவாரசியமான மற்றும் வேடிக்கையான அனுபவங்களை அவர் தனது சமூக வலைத்தள பக்கத்தில் பகிர்ந்துள்ளார்.

பாகிஸ்தானிய குடும்ப அமைப்பில் உள்ள உறவுமுறைகளின் பெயர்கள் கேசிக்கு பெரும் குழப்பத்தை ஏற்படுத்தியுள்ளன. கனடாவில் பொதுவாக ‘அங்கிள்’, ‘ஆண்டி’ என்று கூப்பிட்டுப் பழகிய அவருக்கு, இங்கு அப்பாவின் உறவினர்களுக்கும் அம்மாவின் உறவினர்களுக்கும் தனித்தனி பெயர்கள் இருப்பது வியப்பை அளித்துள்ளது. மேலும், திருமணத்திற்கு முன்பு வரை அவர் பயன்படுத்தியிராத ‘வாட்ஸ்அப்’ செயலி, தற்போது அவரது புகுந்த வீட்டில் செய்திகளைப் பகிர்வதற்கும், குடும்பத்தினருடன் இணைப்பில் இருப்பதற்கும் மிக முக்கியமான ஒரு அங்கமாக மாறியுள்ளது என்றும் அவர் குறிப்பிட்டுள்ளார்.

https://www.instagram.com/reel/DZxXURqDLmt/?utm_source=ig_web_button_share_sheet

அடுத்ததாக, அவர்களின் விருந்தோம்பல் முறையும் பயணப் பழக்கமும் கேசியை ஆச்சரியத்தில் ஆழ்த்தியுள்ளது. கனடாவில் விருந்தினர்களுக்கு பிஸ்கட் மற்றும் சீஸ் மட்டுமே வழங்கும் நிலையில், பாகிஸ்தானிய வீடுகளில் அதிகாலையிலேயே விதவிதமான உணவுகளைத் தயார் செய்து உபசரிக்கிறார்கள். அதுமட்டுமின்றி, வெளியே எங்காவது பயணம் செய்யும்போது ஹோட்டல்களில் தங்குவதை விடுத்து, உறவினர்கள் வீடுகளிலேயே தங்குவதை அவர்கள் வழக்கமாகக் கொண்டுள்ளனர்; ஹோட்டல் புக் செய்தால் குடும்பத்தினர் கோபித்துக் கொள்கிறார்கள் என்றும் அவர் வேடிக்கையாகக் கூறியுள்ளார். இந்த மாற்றங்கள் அனைத்தும் புதுமையாக இருந்தாலும், ஒரு புதிய கலாச்சாரத்திற்கு ஏற்ப தன்னை மாற்றிக்கொள்வது ஒரு அழகான அனுபவம் என்று கேசி மகிழ்ச்சியுடன் தெரிவித்துள்ளார்.