“1000 விஜய் வந்தாலும் அதிமுகவை அசைக்க முடியாது..!” ஆர்.பி. உதயகுமார் அதிரடி..!!!

அதிமுக கட்சியின் மூத்த நிர்வாகியான ஆர்.பி. உதயகுமார், கட்சியின் நிகழ்ச்சி ஒன்றில் கலந்துகொண்டு பேசினார். அப்போது பேசிய அவர், ஒரு விஜய் அல்ல, ஓராயிரம் விஜய் அரசியலுக்கு வந்தாலும் அதிமுகவை எந்தக் கொம்பனாலும் அசைக்க முடியாது என்று மிகவும் ஆணித்தரமாகத் தெரிவித்தார்.

தொடர்ந்து பேசிய அவர், அதிமுக என்ற பேரியக்கத்தை யாராலும் அபகரிக்க முடியாது என்றும், அவ்வாறு அபகரிப்பதற்கு இந்த பூமியில் யாரும் பிறக்கவில்லை, இனிமேல் பிறக்கப் போவதும் இல்லை என்றும் உணர்ச்சிப்பூர்வமாகப் பேசினார். இதன் மூலம் கட்சியின் பலத்தையும் தொண்டர்களின் அஸ்திவாரத்தையும் அவர் வெளிப்படுத்தியுள்ளார்.

மேலும், நடிகர் விஜய்யின் தமிழக வெற்றிக் கழகம் கட்சியை மறைமுகமாக விமர்சித்த அவர், தேர்தலுக்கு முன்னதாக தவெக கொடியை எங்கும் பார்த்ததில்லை என்று குறிப்பிட்டார். தற்போதைய சூழ்நிலையில், அவர்கள் வாடகைக்கு ஆள்பிடித்துக் கூட்டத்தைக் காட்டி வருகிறார்கள் என்றும் அவர் மிகக் கடுமையான விமர்சனத்தை முன்வைத்தார்.