“பாரதத்தின் பெருமை..! 3 தொடர் ஃபவுல்.. ஆனா ஒரே ஒரு த்ரோ..!” காமன்வெல்த் களத்தில் சாதனை படைத்த இந்திய புயல்… குவியும் வாழ்த்துகள்..!!

மகளிர்க்கான வட்டு எறிதல் பிரிவில் தடம் பதித்துள்ள இந்திய வீராங்கனை சீமா கலிராம்னா, காமன்வெல்த் விளையாட்டுப் போட்டியில் மூன்றாம் இடம் பிடித்து வெண்கலப் பதக்கத்தை நாட்டின் கணக்கில் சேர்த்துள்ளார். போட்டியை ‘ஃபவுல்’ உடன் பதற்றமாகத் தொடங்கினாலும், சீமா கலிராம்னா உடனடியாக மீண்டெழுந்து 2-வது சுற்றில் 57.32 மீட்டரும், 3-வது சுற்றில் 58.65 மீட்டரும் எறிந்தார். அடுத்தடுத்த சுற்றுகளில் தவறுகள் நேரிட்டாலும், அவர் எறிந்த அந்த 3-வது சுற்றின் வலுவான பதிவே அவருக்கு வெண்கலப் பதக்கத்தை அழுத்தமாக உறுதி செய்து தந்தது. இப்போட்டியில் ஜமைக்காவின் சமந்தா ஹால் 61.66 மீட்டர் எறிந்து தங்கப் பதக்கத்தையும், கனடாவின் ஜூலியா டங்க்ஸ் 60.67 மீட்டர் எறிந்து வெள்ளிப் பதக்கத்தையும் கைப்பற்றினர்.

மற்றொரு இந்திய வீராங்கனையான நிதி ராணி, தனது இரண்டாவது சுற்றில் 55.67 மீட்டர் தூரம் எறிந்து நான்காவது இடத்தைப் பிடித்தார். கேமரூனின் மோனி நோரா ஆதிம் தனது கடைசி வாய்ப்பில் 11.18 மீட்டர் மட்டுமே எறிந்ததால், சீமாவின் வெண்கலப் பதக்கம் உறுதியானது. தாய்மைக்குப் பிறகு விளையாட்டு களத்திற்குத் திரும்பிய 27 வயதான சீமா, 2025 தேசிய விளையாட்டுப் போட்டிகளில் தங்கம் வென்றவர் என்பதுடன் தற்போது முனைவர் பட்டப் படிப்பையும் மேற்கொண்டு வருகிறார். தொடர் ஃபவுல்களுக்கு மத்தியிலும், மன உறுதியுடன் செயல்பட்டு சீமா இந்தியாவிற்குப் பதக்கம் வென்று தந்துள்ளது குறிப்பிடத்தக்கது.