“டேட்டிங் ஆப்பில் பதுங்கியிருந்த மனித மிருகம்..!” HIV இருப்பதை மறைத்து 14 வயது சிறுவனுடன் கொடூரம்.. பாஸ்டரின் அருவருப்பான சுயரூபம் அம்பலம்..!!

அமெரிக்காவின் புளோரிடாவைச் சேர்ந்த மதபோதகர் டிமோதி சேனிஃபீல்ட் தனது எச்.ஐ.வி பாதிப்பை மறைத்துவிட்டு 14 வயது சிறுவனை பாலியல் ரீதியாகத் தயார்படுத்தி, பல சந்தர்ப்பங்களில் பாலியல் அத்துமீறலில் ஈடுபட்டதாக குற்றச்சாட்டு எழுந்துள்ளது. செயின்ட் ஜேம்ஸ் யுனைடெட் அமெரிக்கன் ஃப்ரீ வில் பாப்டிஸ்ட் தேவாலயத்தில் மதபோதகராகப் பணியாற்றிய அவர், சிறுவனை முதலில் டேட்டிங் செயலி மூலம் தொடர்புகொண்டு, பின்னர் இன்ஸ்டாகிராம் வழியாக தொடர்ந்து தொடர்பில் இருந்ததாக விசாரணையில் தெரியவந்துள்ளது. தொடர்ந்து அந்தச் சிறுவனை தனது வீட்டிற்கு அழைத்துச் சென்றதாகவும், அங்கு பாலியல் அத்துமீறலில் ஈடுபட்டதாகவும் அதிகாரிகள் தெரிவித்துள்ளனர்.

மற்றொரு நபருடன் சேனிஃபீல்ட் பாலியல் தொடர்பில் இருந்ததாகக் கூறப்படும் தகவலின் அடிப்படையிலும் போலீசார் விசாரணை மேற்கொண்டுள்ளனர். அந்த 26 வயது நபர், சேனிஃபீல்டுடன் தொடர்புக்குப் பின்னர் தனக்கு எச்.ஐ.வி தொற்று இருப்பது உறுதி செய்யப்பட்டதாக தெரிவித்ததாக கூறப்படுகிறது. இதையடுத்து பாதிக்கப்பட்டிருக்கக்கூடிய சிறுவனுக்கு நோய்த்தொற்று ஏற்படுவதைத் தடுக்கும் வகையில் எச்.ஐ.வி தடுப்பு மருந்துகள் வழங்கப்பட்டதாக அதிகாரிகள் தெரிவித்துள்ளனர். எச்.ஐ.வி சிகிச்சையில் வைரஸ் பெருக்கத்தை கட்டுப்படுத்தும் ஆன்டிரெட்ரோவைரல் மருந்துகள் பயன்படுத்தப்படுகின்றன.

மதபோதகர் என்ற தனது பதவியைப் பயன்படுத்தி சிறுவர்கள் மற்றும் இளைஞர்களை அணுகி தவறான முறையில் நெருக்கம் ஏற்படுத்தியதாக சேனிஃபீல்ட் மீது குற்றச்சாட்டு முன்வைக்கப்பட்டுள்ளது. ஜூலை 29ஆம் தேதி ஆர்லாண்டோவில் அவர் கைது செய்யப்பட்டதாகவும், சிறுவர்களிடம் பாலியல் அத்துமீறல், மின்னணு சாதனத்தை சட்டவிரோதமாகப் பயன்படுத்துதல், தனது எச்.ஐ.வி நிலையை தெரிவிக்காமல் பாலியல் தொடர்பில் ஈடுபட்டது, போதைப்பொருள் உபகரணங்களை வைத்திருந்தது உள்ளிட்ட பல்வேறு குற்றச்சாட்டுகளை அவர் எதிர்கொள்வதாகவும் அதிகாரிகள் தெரிவித்துள்ளனர். மேலும், அவருடன் பாலியல் தொடர்பில் இருந்திருக்கக்கூடியவர்கள் உடனடியாக புலனாய்வாளர்களைத் தொடர்புகொண்டு மருத்துவ ஆலோசனையைப் பெறுமாறு போலீசார் அறிவுறுத்தியுள்ளனர்.